இரண்டாவது இடத்துக்கு முன்னேறினார் விஜேந்தர்

by **சிவா** Fri Aug 21, 2009 3:36 pm

புதுடில்லி: உலக குத்துச் சண்டை ரேங்கிங் பட்டியலில் இந்தியாவின் விஜேந்தர் சிங், இரண்டாவது இடத் துக்கு முன்னேறி சாதித் துள்ளார். "டாப்-10' வீரர் கள் பட்டியலில் இந்திய தரப்பில் மூன்று வீரர்கள் இடம் பெற்றுள்ளனர். இந்தியாவின் முன்னணி குத்துச் சண்டை வீரர் விஜேந்தர் சிங். கடந்த ஆண்டு பீஜிங்கில் நடந்த ஒலிம் பிக், குத்துச் சண்டை போட்டியில் இவர் வெண்கலப்பதக்கம் வென்றார். தவிர, இந்த ஆண்டு செக் குடியரசில் நடந்த ஐரோப்பியன் கிராண்ட்பிரிக்ஸ், சீனாவில் நடந்த ஆசிய சாம்பியன்ஷிப் தொடர்களில் வெண்கலம் வென்றார்.

இதன் காரணமாக ஆண்கள் 75 கி.கி., பிரிவினருக்கான சர்வதேச குத்துச் சண்டை ரேங்கிங் பட்டியலில் விஜேந்தர் சிங் இரண்டாவது இடத்தை பெற்றுள்ளார். கியூபாவின் பேயக்ஸ் முதலிடத்தில் உள்ளார். இது குறித்து விஜேந்தர் கூறுகையில்,"" கடந்த ஒரு ஆண்டாக எனது வாழ்வில் நல்ல விஷயங் கள் நடந்து வருகிறது. ரேங்கிங் பட்டியலில் முன்னேற்றம் கண்டது மகிழ்ச்சி அளிக்கிறது,'' என்றார்.அகில் அசத்தல்: இந்திய தரப்பில் மேலும் மூன்று வீரர்கள் "டாப்-10' பட்டியலில் இடம் பிடித்துள்ளனர். 54 கி.கி., பிரிவில், அகில் குமார் 9 வது இடத்தையும், 81 கி.கி., பிரிவில் தினேஷ் குமார் 6வது இடத்தையும், 48 கி.கி., பிரிவில் நானோ சிங் 5வது இடத்தையும் கைப்பற்றியுள்ளனர். ஜிதேந்தர் குமார் (51 கி.கி.,) 13 வது இடத்தில் உள்ளார்.

கேல் ரத்னா விருது பெறுவதில் சிக்கல்:இந்த ஆண்டுக்கான கேல் ரத்னா விருதுக்கு விஜேந்தர் சிங் (குத்துச் சண்டை), சுஷில் குமார் (மல்யுத்தம்), மேரி கோம் (குத்துச் சண்டை) ஆகிய மூவரும் தேர்வு செய்யப்பட்டுள்ளனர். விருது வழங்கும் விழா வரும் 29 ம் தேதி ஜனாதிபதி மாளிகையில் நடக்க உள்ளது. இவ்விழாவில் பங்கேற்க முடியாத சூழ்நிலையில் உள்ளார் விஜேந்தர் சிங். உலக குத்துச் சண்டை சாம்பியன்ஷிப் தொடரில் பங்கேற்க விஜேந்தர் சிங் வரும் 27 ம் தேதி இத்தாலி செல்ல உள்ளார். இது குறித்து அவர் கூறுகையில்,""கேல் ரத்னா விருது வழங்கும் விழாவில் பங்கேற்க முடியாதது மிகவும் வருத்தம் அளிக்கிறது,'' என்றார். சமீபத்தில் இந்திய கிரிக்கெட் வீரர்களான தோனி, ஹர்பஜன் இருவரும் பத்ம விருது வழங்கும் விழாவில் பங்கேற்கவில்லை.

இதற்கு மத்திய விளையாட்டு அமைச்சகம் கடும் கண்டனம் தெரிவித்தது. தவிர, விழாவில் பங்கேற்க முடியாத சூழ்நிலை ஏற்பட்டால், உரிய விளக்கம் அளிக்க வேண்டும் என எச்சரிக்கை விடுத்தது. இதன் காரணமாக இந்திய குத்துச்சண்டை கூட்டமைப்பு, கேல் ரத்னா விழாவில் விஜேந்தர் சிங் பங்கேற்க முடியாத நிலையை மத்திய விளையாட்டுத்துறை அமைச்சகத்துக்கு முறைப்படி தெரிவித்துள்ளது.