கறிவேப்பிலையான மனிதம்...

by ஹாசிம் Sun Dec 19, 2010 7:15 pm

தேவை என்றறிந்தேன்
மருத்துவம் உன்னில் கண்டேன்
உன் வாசத்தில் நலங்கொண்டேன்
பாவித்ததால் தூக்கியெறிந்தேன்

சமையலோடு உடனிருந்தாய்
பரிமாறும்போது சேர்ந்திருந்தாய்
உண்ணும் போது ஒதுக்கிவிட
மனமேன்தான் கோணுவதில்லை

கறிவேப்பிலை நீயானதினால்
கவனமின்றி மனிதங்கள்
உன்போன்று ஒரு மனிதமானதினால்
உளம்நொந்து வேகிறானே...

அவனாலும் ஆக்கப்பட்டு
அவன் துணையில் வென்றுநின்று
இவன்தயவு வேண்டாமென
கிள்ளியெறிதல் தவறன்றோ..

அவன்செய்த உதவிகளை
உளமாற நினைத்துவிட்டால்
மனிதன் அவனிழைத்த
குறையேதும் தெரிந்திடாது

உயிரற்ற கறிவேப்பிலைபோல்
உயிருள்ள மனங்களையும்
களைந்தெறிந்த சாதனைகளை
சரித்திரங்கள் குறைசொல்லுமே...

by srinihasan Sun Dec 19, 2010 7:43 pm

மனிதம் இன்று நம்மில்.... கறிவேப்பிலையாய் சில இடங்களில்... திண்றபின் வீசியெறியும் எச்சில் இலைகளாய் சில இடங்களில்....

மனிதம் வளர்க்க பாடுபடுவோம்.... வாழ்த்துகள் ஹாசிம்... கறிவேப்பிலையான மனிதம்... 677196

by ஷர்மிஅஷாம் Sun Dec 19, 2010 8:25 pm

பாதிக்கப்பட்டவன் நான் ஹாசிம் என்ன வரிகள் இவைகள் என் மனக்குமுறல்கள் இங்கு வரிகளாக உதித்துள்ளன தேவை தீர்ந்த பின் மாறும் மனிதர்கள் இன்று ஏராழம் உலகில் பாதிக்கப்பட்டவன்.

by அப்புகுட்டி Mon Dec 20, 2010 3:40 am

srinihasan wrote:மனிதம் இன்று நம்மில்.... கறிவேப்பிலையாய் சில இடங்களில்... திண்றபின் வீசியெறியும் எச்சில் இலைகளாய் சில இடங்களில்....

மனிதம் வளர்க்க பாடுபடுவோம்.... வாழ்த்துகள் ஹாசிம்...

by ஹாசிம் Mon Dec 20, 2010 10:42 am

srinihasan wrote:மனிதம் இன்று நம்மில்.... கறிவேப்பிலையாய் சில இடங்களில்... திண்றபின் வீசியெறியும் எச்சில் இலைகளாய் சில இடங்களில்....

மனிதம் வளர்க்க பாடுபடுவோம்.... வாழ்த்துகள் ஹாசிம்...

மிக்க நன்றி தோழா.....

by **ரிபாஸ்** Mon Dec 20, 2010 11:01 am

உண்மையான அருமை வரிகள் நண்பா உன் கவிதைக்கு என்றும் நான் நன்றி

by தமிழ்ப்ரியன் விஜி Mon Dec 20, 2010 12:31 pm

//உயிரற்ற கறிவேப்பிலைபோல்
உயிருள்ள மனங்களையும்
களைந்தெறிந்த சாதனைகளை
சரித்திரங்கள் குறைசொல்லுமே...//

நிச்சயம் சரித்திரம் பேசும் ..

அருமை ஹாசிம்

by balakarthik Mon Dec 20, 2010 3:21 pm

அருமை அருமை மிக அருமை தங்களின் சமுதாய சிந்தனை நன்றி நண்பா மகிழ்ச்சி

by ஹாசிம் Mon Dec 20, 2010 6:13 pm

asham wrote:பாதிக்கப்பட்டவன் நான் ஹாசிம் என்ன வரிகள் இவைகள் என் மனக்குமுறல்கள் இங்கு வரிகளாக உதித்துள்ளன தேவை தீர்ந்த பின் மாறும் மனிதர்கள் இன்று ஏராழம் உலகில் பாதிக்கப்பட்டவன்.

நன்றி சகோதரா
உங்களைப்போல் பல்லாயிரம்பேர் இருக்கின்றனர்
மனதில் எழுந்த ஒரு கரு அதனைத்தான் படைக்க முடிந்தது