நெருங்கிய உறவில் திருமணம் ‍- குழந்தைகளுக்கு ஆபத்து

by தாமு Tue Dec 07, 2010 5:45 pm

பரிணாமக் கோட்பாட்டின் தந்தை சார்லஸ் டார்வின் தன் 30 வயதில் நெருங்கிய உறவினரான 31 வயதுடைய எம்மா வெட்ஜ்வுட் என்பவரைத் திருமணம் செய்து கொண்டார். இத்தம்பதியருக்கு பிறந்த குழந்தைகளில் மூன்று பேர் 10 வயதில் இறந்து போயினர். மேலும் மூன்று பேரின் நீண்டகால திருமண வாழ்வில் குழந்தைப் பேறே கிட்டவில்லை.

இப்பிரச்னைகளுக்கு அடிப்படையான காரணமாக, தனது திருமணம் இருக்கலாமோ என்று அவர் பயந்தார். சார்லஸ் இரண்டு வேறுவிதமான தாவரங்களை ஒட்டு முறையில் சேர்த்து புதிய தாவரங்களை உருவாக்கிப் பார்த்தார். வழக்கமான தாவரங்களை விட இவை மிகவும் ஆரோக்கியமாக இருந்ததையும், சந்ததி எண்ணிக்கையில் அதிகரித்ததையும் கண்டறிந்தார். அதன் முடிவுகளை மனித குலத்துக்கும் பொருத்திப் பார்த்துதான் அந்த முடிவுக்கு அவர் வந்தார்.

அவரது பயம் சரியானது தான் என்று சமீபத்தில் நடந்த ஓர் ஆய்வு கூறுகிறது. ஓகியோ மாநில பல்கலைக்கழகத்தின் பரிணாம துறையின் ஓய்வு பெற்ற பேராசிரியர் டிம் பெர்ரா மற்றும் அவரது உடன் பணியாற்றும் இரண்டு பேர் சார்லஸ் டார்வினின் குடும்ப பாரம்பரியம் குறித்த ஆய்வில் ஈடுபட்டனர். சார்லசின் தந்தை மற்றும் தாய்வழி மரபுகளின் வேர்களை, கி.பி., 16ம் நூற்றாண்டு வரை தேடி கண்டுபிடித்து சேகரித்தனர். அந்த உறவு முறைகளை பற்றிய இவர்களின் ஆராய்ச்சியில் சார்லசின் குழந்தைகள், தங்கள் முன்னோரிடமிருந்து மரபணுக்களை பெறுவதற்கு 6 சதவீதம் வாய்ப்பு இருந்துள்ளது தெரியவந்தது.

'சார்லஸ் தம்பதியரின் பெற்றோரிடம் நோய் விளைவிக்கக்கூடிய மரபணுக்கள் ஒரே குரோமோசோமில் பதிவாகியிருந்தால், அவை இரண்டும் ஒரே நேரத்தில் அவர்களின் சந்ததியரிடம் வந்து சேர வாய்ப்பு அதிகம் உள்ளது. அவை தான் நோய்களை உருவாக்கும்' என்கிறார் பெர்ரா.

by தமிழ்ப்ரியன் விஜி Tue Dec 07, 2010 5:45 pm

நன்றி தாமு ...

by உதயசுதா Tue Dec 07, 2010 5:53 pm

என்ன சொன்னாளும்தான் நம்ம மக்கள் கேட்க மாட்டேன் என்று அடம் பிடிக்கிறார்களே.
இன்னும் அத்தை மகன்,மகள்,மாமன் மகன்,மகள் என்று திருமணம் செய்யும் வழக்கம் இருக்கத்தானே செய்கிறது

by கார்த்திக் Tue Dec 07, 2010 5:59 pm

உண்மைதான் நண்பா ...

நன்றி .....

by **ராஜா** Tue Dec 07, 2010 6:18 pm

இப்படி உறவு முறையில் திருமணம் செய்யும் அனைவருக்கும் இது போன்ற சிக்கல்கள் வருவதில்லை தானே தாமு ?

by உதயசுதா Tue Dec 07, 2010 6:25 pm

ராஜா wrote:இப்படி உறவு முறையில் திருமணம் செய்யும் அனைவருக்கும் இது போன்ற சிக்கல்கள் வருவதில்லை தானே தாமு ?

ITHELLAAM VITHI, ATHA MAATHTHAA YAARAALA MUDIYUM

by கலைவேந்தன் Tue Dec 07, 2010 7:31 pm

தமிழகத்தில் அக்காள் மகளையும் அத்தை / மாமன் மகளையும் இன்னும் பல நெருங்கிய உறவிலும் மணம் முடித்தல் என்பது காலங்காலமாக நடக்கிறதே... அவர்கள் எல்லாருமே அழிந்து விடவில்லையே...நூற்றில் ஐந்து பேர்களுக்கு இவ்வாறு பாதிப்பு ஏற்பட்டு இருக்கலாம். அதே சமயம் உறவினரல்லாத மணங்களிலும் நூற்றுக்கு ஐந்து பேர் பாதிக்கப்பட்டுள்ளனர் என்றும் தெரியவருகிறது.

இவற்றை வைத்துக் கணக்கிடும் போது இது எல்லாமே தற்செயலான செயல்பாடுகள் தாம்.. என்பது தெரிய வருகிறது.

எப்படி எல்லாமோ ஆராய்ச்சி செய்து நம்மை பயமுறுத்தவே ஒரு கூட்டம் அலையுதப்பா...

- தொலைவில் மணம் செய்தவன்.