ஏ.டி.எம். எந்திரம் மூலம் வெளிநாட்டில் இருந்து தீவிரவாதிகளுக்கு பணம்

by **krishnaamma** Mon Dec 06, 2010 9:12 pm

இந்தியாவில் உள்ள தீவிரவாதிகளுக்கு வெளிநாடுகளில் இருந்து பல்வேறு முறைகளில் பணம் அனுப்பப்பட்டு வந்தது. இதற்கு முன்பு ஹவாலா மூலமும், எல்லை வழியாகவும் கடத்தி வந்து பணங்களை கொடுத்து வந்தனர்.

இப்போது வெளிநாடுகளில் இருந்து இங்குள்ள சில அக்கவுண்டுகளுக்கு பணம் அனுப்பி ஏ.டி.எம். எந்திரம் மூலம் சப்ளை செய்யப்படுவது தெரியவந்துள்ளது.

மத்திய நிதித்துறையில் உளவுப்பிரிவு இதை கண்டு பிடித்து உள்ளது. 2009-2010 நிதி ஆண்டில் 17 ஆயிரம் கணக்குகள் மூலமாக பலகோடி ரூபாய் அனுப்பப்பட்டுள்ளன.

இதுசம்பந்தமாக உளவு பிரிவு நிதித்துறைக்கு 66 பக் கங்கள் கொண்ட அறிக்கையை அனுப்பி உள்ளது. அதில் அனைத்து விவரங்களும் தெரிவிக்கப்பட்டுள்ளது.

கிரிடிட் மற்றும் டெபிட் கார்டுகளை பயன்படுத்தி இந்த பணங்களை தீவிரவாதிகள் எடுத்து உள்ளனர். பெரும்பாலும் அரபு நாடுகளில் இருந்தே இந்த பணங்கள் வந்துள்ளன. கேரளா மற்றும் மராட்டிய மாநிலங்களில் உள்ள ஏ.டி.எம்.கள் மூலமே அதிக அளவில் தீவிரவாதிகளுக்கு பணம் சப்ளை செய்யப்பட்டுள்ளது.

சந்தேகம் வந்துவிடக் கூடாது என்பதற்காக ஒவ்வொரு நேரமும் ரூ.50 ஆயிரத்துக்கு குறைவான தொகை பணத்தை அனுப்பி அதை தீவிரவாதிகளுக்கு கிடைக்க செய்துள்ளனர்.

சமீபத்தில் ஐதராபாத்தில் உள்ள ஒருவருக்கு 2 அக் கவுண்டுகள் மூலம் அரபு நாடுகளில் இருந்து பணம் வந்தது. அது யாருக்கு வந்தது என்று உளவு பிரி வினர் ரகசியமாக விசாரித் தனர். அதில் ஐதராபாத் பைப் வெடிண்டு வழக்கில் தேடப்படும் தீவிரவாதிக்கு வந்ததை கண்டு பிடித்த னர்.

நேபாளம்

காஷ்மீரில் நேபாள கிரிடிட் கார்டு மூலம் ஏராளமாக பணம் எடுக்கப்பட்டு இருப்பது தெரியவந்தது. அதுபற்றி விசாரித்தபோது தீவிரவாதிகள் நேபாளத்தில் கிரிடிட் கார்டுகள் பெற்று அதை காஷ்மீர் கொண்டு வந்து பயன்படுத்தி இருப்பது தெரியவந்தது.

தீவிரவாதிகள் எந்தெந்த ஏ.டி.எம்.களில் பணம் எடுத்துள்ளனர். அந்த அக் கவுண்டுகள் யார் பெயரில் இருந்தன? என்பது குறித்து ரகசியமாக விசாரணை நடந்து வருகிறது.