ஆசிய விளையாட்டுப் போட்டிகளில் இந்திய அணி!

by **சிவா** Wed Nov 24, 2010 8:42 pm

ஆசிய போட்டி : பெண்கள் ஹாக்கியில் இந்தியா தோல்வி

குவாங்சு : சீனாவின் குவாங்சு நகரில் நடந்து வரும் ஆசிய விளையாட்டு போட்டியின் பெண்கள் ஹாக்கியில், 3வது இடத்துக்கான ஆட்டத்தில் இந்தியா-ஜப்பான் அணிகள் மோதின. ஆட்டநேர முடிவில் இரு அணி வீராங்கனைகளும் ஒரு கோல் கூட அடிக்க முடியவில்லை. இதனால் கூடுதல் நேரம் வழங்கப்பட்டது. இதில் ஜப்பானின் கெய்கோ மனாபி "கோல்டன் கோல்' அடிக்க, 1-0 என்ற கணக்கில் வெற்றி பெற்று, வெண்கலம் வென்றது. கடந்த முறை வெண்கலம் வென்ற இந்திய அணி, இம்முறை 4வது இடம் பிடித்து ஆறுதல் அடைந்தது.

by **சிவா** Wed Nov 24, 2010 8:44 pm

ஆசிய போட்டி: பாக்சிங் பைனலில் மன்பிரீத், விஜேந்தர்

குவாங்சு : சீனாவின் குவாங்சு நகரில் நடந்து வரும் ஆசிய விளையாட்டு போட்டியின் பாக்சிங் 75 கிலோ பிரிவில் இந்தியாவின் விஜேந்தர் சிங் இறுதிப்போட்டிக்கு முன்னேறினார். இதே போல், 91 கிலோ பிரிவில் மன்பிரீத் சிங் இறுதிப்போட்டிக்கு முன்னேறினார்.

ஆசிய விளையாட்டு : வில்வித்தையில் இந்தியாவுக்கு வெள்ளி

குவாங்சு : சீனாவின் குவாங்சு நகரில் 16வது ஆசிய விளையாட்டு போட்டிகள் நடைபெறுகிறது. ஆண்களுக்கான தனிநபர் வில்வித்தை போட்டியில் இந்திய வீரர் தருண்தீப் ராய் வெள்ளிப்பதக்கம் வென்றார்.

by **சிவா** Thu Nov 25, 2010 5:34 pm

ஆசிய விளையாட்டு போட்டி : இந்தியாவுக்கு மேலும் ஒரு தங்கம்

குவாங்சு : சீனாவின் குவாங்சு நகரில் நடைபெறும் ஆசிய விளையாட்டு போட்டியில் , ஆண்களுக்கான 400 மீ்ட்டர் தடை ஓட்டப்பந்தயத்திலும் தங்கப்பதக்கம் வென்றது. இந்திய வீரர் ஜோசப் ஆப்ரஹாம் பதக்கம் வென்றார்

ஆசிய விளையாட்டு : ஆண்கள் ஹாக்கியில் இந்தியாவுக்கு வெண்கலம்

குவாங்சு : 16வது ஆசிய விளையாட்டு போட்டிகள் சீனாவின் குவாங்சு நகரில் நடைபெறுகிறது. ஆண்கள் ஹாக்கி போட்டியில் இந்‌திய அணிக்கு வெண்கலப்பதக்கம் கி‌டைத்தது.

ஆசிய விளையாட்டு : இந்தியாவுக்கு 8வது தங்கப்பதக்கம்

குவாங்சு : ஆசிய விளையாட்டு போட்டிகளில் இந்தியாவுக்கு 8வது தங்கப்பதக்கம் கிடைத்தது. அஸ்வினி அகுஞ் 400 மீட்டர் ஹர்டில்ஸ் ஓட்டப்பந்தயத்தில் தங்கம் வென்றார். டிராக் இவன்டுகளில் இந்தியாவுக்கு கிடைக்கும் 8வது தங்கம் இதுவாகும்.

by புவனா Thu Nov 25, 2010 5:40 pm

by **சிவா** Thu Nov 25, 2010 5:55 pm

குத்துச்சண்டையில் இந்தியாவுக்கு தங்கம்

குவாங்சு : சீனாவின் குவாங்சு நகரில் நடந்து வரும் ஆசிய விளையாட்டுப்போட்டியின், குத்துச்சண்டை 60 கிலோ எடைப்பிரிவில் இந்தியாவின் விகாஸ் கிரிஷன், சீனாவின் குயிங் ஹூ இன்னை தோற்கடித்து தங்கம் வென்றார். இது ஆசிய விளையாட்டுப்போட்டியில் இந்தியா பெறும் 10வது தங்கமாகும்.

by **சிவா** Fri Nov 26, 2010 5:32 pm

பெண்கள் 5000 மீட்டர் ஓட்டப்பந்தயம் : இந்தியாவுக்கு 2 பதக்கம்

குவாங்சு : ஆசிய விளையாட்டுகள் பெண்களுக்கான 5000 மீ்ட்டர் ஓட்டப்பந்தயத்தில் இந்திய வீராங்கனைகள் முறையே வெள்ளி மற்றும் வெண்கல பதக்க் வென்றனர். இந்திய வீராங்கனை பிரீஜா ஹதரன் வெள்ளிப்பதக்கமும் , கவிதா ரவுத் வெண்கலப் பதக்கமும் வென்றனர்.

இந்தியாவுக்கு 11வது தங்கம்

குவாங்சு : சீனாவின் குவாங்சு நகரில் நடக்கும் ஆசிய விளையாட்டு போட்டிகளில் பெண்கள் கபடி போட்டியில் இந்தியா தங்கம் வென்றது.

இந்தியாவுக்கு 12வது தங்கம்

குவாங்சு : ஆசிய விளையாட்டு போட்டியில் இந்தியா 12வது தங்கப்பதக்கத்தை வென்றது. ஆண்கள் கபடி போட்டியில் இந்திய அணி ஈரானை வீழ்த்தி தங்கம் வென்றுள்ளது. ஆசிய விளையாட்டு போட்டிகளில் இந்தியா இதுவரை இல்லாத அளவு அதிகபட்சமாக 59 பதக்கங்கள் வென்றுள்ளது.

by **சிவா** Fri Nov 26, 2010 5:34 pm

ஸ்கேடிங் : இந்திய ஜோடி வெண்கலம் வென்றது

குவாங்சு : சீனாவின் குவாங்சு நகரில் நடைபெறும் ஆசிய விளையாட்டு ஸ்கேட்டிங் போட்டியில் இந்திய ஜோடி அணுப் குமார் - அவானி பஞ்சால் வெண்கலப் பதக்கம் வென்றனர்.

காமன்வெல்த் விளையாட்டுப் போட்டியைப் போல் ஆசிய விளையாட்டுப் போட்டியிலும் இந்தியா சாதனை படைத்துள்ளது! ஆசிய விளையாட்டுப்போட்டி வரலாற்றில் இப்பொழுதுதான் அதிக பதக்கங்கள் பெற்றுள்ளது!