சீன உதவியுடன் துறைமுகம் : துவக்கினார் ராஜபக்ஷே

by **சிவா** Fri Nov 19, 2010 10:27 am

கொழும்பு : சீனா உதவியுடன் அமைக்கப்பட்ட ஹம்பன்தொடா துறைமுகத்தை, இலங்கை அதிபர் ராஜபக்ஷே நேற்று முறைப்படி துவக்கி வைத்தார். இலங்கை, ஹம்பன்தொடா மாவட்டத்தில், சீனா உதவியுடன் துறைமுகம் ஒன்று அமைக்கும் பணி, நீண்ட காலமாக நடந்து வந்தது. இத்திட்டத்துக்கான நிதி மற்றும் கட்டமைப்பு உதவிகளை சீனா அளித்தது. இந்த பணிகள் நிறைவடைந்த நிலையில், நேற்று முறைப்படி துவக்கி வைக்கப்பட்டது. இலங்கை அதிபர் ராஜபக்ஷே இந்த துறைமுகத்தை துவக்கி வைத்தார்.

விழாவில் அவர் பேசுகையில், "இன்று (நேற்று) எனது 65வது பிறந்த நாள் விழா. இந்த நாளில் துறைமுகம் துவக்கி வைக்கப்படுவது மகிழ்ச்சி அளிக்கிறது. நான் ஆட்சிக்கு வந்த போது, நாட்டில் பயங்கரவாதத்தை ஒழித்து, அமைதியை ஏற்படுத்துவேன் என்ற உறுதியை அளித்தேன். அந்த உறுதியை நிறைவேற்றியுள்ளேன் என்பதை நினைவுபடுத்த விரும்புகிறேன்' என்றார்.

துறைமுகம் துவக்கி வைக்கப்பட்டதை அறிவிக்கும் வகையில், 30 ஆண்டுகளுக்கும் மேலாக உள்நாட்டு போரில் பங்கேற்ற பெருமையுடைய "ஜெட்லைனர்' என்ற கடற்படை கப்பல், துறைமுகத்துக்குள் வந்தது. இதை தொடர்ந்து மேலும் இரு கப்பல்களும் ஹம்பன்தொடா துறைமுகத்துக்கு வந்தன. 3,000 கோடி ரூபாய் செலவில் அமைக்கப்பட்டுள்ள இந்த துறைமுகம், இலங்கை கடற்படைக்கும், கப்பல் போக்குவரத்துக்கும் ஒரு வரமாக கருதப்படுகிறது. துறைமுகத்துக்கு அருகில் உள்ள 2,600 ஹெக்டார் பரப்பிலான இடம், சிறப்பு பொருளாதார மண்டல பகுதியாக அறிவிக்கப்பட்டுள்ளது.

தினமலர்

by அப்புகுட்டி Fri Nov 19, 2010 12:54 pm

இருக்கிறதை ஒழுங்கா மெயின்டன் பண்ண முடியல அதுக்குள் இன்னொன்று என்ன கொடுமை சார் இது

சீன உதவியுடன் துறைமுகம் : துவக்கினார் ராஜபக்ஷே

சீன உதவியுடன் துறைமுகம் : துவக்கினார் ராஜபக்ஷே

Re: சீன உதவியுடன் துறைமுகம் : துவக்கினார் ராஜபக்ஷே