ஆ.ராசா மீது ஊழல் மற்றும் கிரிமினல் வழக்கு தொடர சுப்ரீம் கோர்ட்டு அனுமதி

2 ஜி. ஸ்பெக்ட்ரம் அலை வரிசை ஊழல் தொடர்பாக தனது அமைச்சர் பதவியை ராஜினாமா செய்த ஆ.ராசா மீது ஊழல் மற்றும் கிரிமினல் வழக்கு தொடர சுப்ரீம் கோர்ட்டு நேற்று அனுமதி வழங்கியுள்ளது.

மத்திய தொலை தொடர்பு துறை அமைச்சராக இருந்த ஆ.ராசா தனது பதவிக்காலத்தில் கடந்த 2008 ம் ஆண்டு இரண்டாம் தலைமுறையினருக்கான தொழில்நுட்ப சேவையை அளிக்கும் 2 ஜி ஸ்பெக்ட்ரம் அலைவரிசையை செல்போன் கம்பெனிகளுக்கு ஒதுக்கீடு செய்ததில் மத்திய அரசுக்கு ரூ. 1,76,379 கோடி இழப்பை ஏற்படுத்தியுள்ளதாக மத்திய கணக்கு தணிக்கை அதிகாரி தனது இறுதி அறிக்கையில் குறிப்பிட்டுள்ளார். இந்த அறிக்கை மத்திய அரசிடம் தாக்கல் செய்யப்பட்டது. இதை அடுத்து ஆ.ராசா பதவி வில கே வேண்டும் என்று பா.ஜ.க. , அ.தி.மு.க.உள்ளிட்ட எதிர்க்கட்சிகள் பாராளுமன்றத்தில் கோரிக்கை விடுத்தன. இந்த ஊழல் விவகாரம் விசுவரூபம் எடுத்ததை தொடர்ந்து ஆ.ராசா தனது அமைச்சர் பதவியை நேற்று முன்தினம் ராஜினாமா செய்தார்.

2 ஜி ஸ்பெக்ட்ரம் ஊழல் தொடர்பாக ஆ.ராசா மீது ஊழல் மற்றும் கிரிமினல் வழக்கு தொடர அனுமதிக்க வேண்டும் என்று கோரி சுப்ரீம் கோர்ட்டில் ஏற்கனவே பிரபல வழக்கிறஞர் பிரசாந்த் நீஷன், டாக்டர் சுப்பிரமணியம்சாமி ஆகியோர் வழக்கு தொடர்ந்தனர். இந்த வழக்கை சுப்ரீம் கோர்ட்டு நீதிபதிகள் கங்குலி,சிங்வி ஆகியோர் அடங்கிய டிவிஷன் பெஞ்ச் ஏற்கனவே விசாரணை நடத்தி இவ்வளவு பெரிய முறைகேட்டிற்கு பிறகும் ஆ.ராசா அமைச்சர் பதவியில் நீடிப்பது ஏன் என்று கேட்டு கடுமையாக விமர்சனம் செய்திருந்தது.

இந்த நிலையில் இந்த வழக்கு விசாரணை நேறு மீண்டும் நடந்தது. அப்போது வாத பிரதிவாதங்களை கேட்ட சுப்ரீம் கோர்ட்டு நீதிபதிகள், ஆ.ராசார மீது ஊழல் மற்றும் கிரிமினல் வழக்கு தொடர அனுமதி அளித்தனர். மேலும் இந்த வழக்கு விசாரணையை இன்றைக்கு நீதிபதிகள் ஒத்திவைத்தனர்.