அமெரிக்காவில் பாய்ந்த மர்ம ஏவுகணை: வெளிநாட்டு ராணுவம் தாக்கியதா?

by **சிவா** Thu Nov 11, 2010 3:38 pm

அமெரிக்காவில் உள்ள கலிபோர்னியா கடற்கரையில் இருந்து 35 கிலோ மீட்டர் தூரத்தில் செய்தி நிறுவன ஹெலிகாப்டர் ஒன்று பறந்து கொண்டிருந்தது.

அப்போது திடீரென கடலுக்கு மேலே ஏவுகணை ஒன்று பாய்ந்து சென்றது. அதை செய்தி நிறுவன நிருபர் படம் பிடித்தார். அமெரிக்க ராணுவம் ஏவுகணை சோதனை நடத்தி இருக்க வேண்டும் என்று முதலில் கருதினார்கள். இதுபற்றி ராணுவ துறையிடம் விசாரித்தனர். ஆனால் அமெரிக்க ராணுவம் ஏவுகணை சோதனை எதுவும் நடத்தவில்லை என்று கூறி விட்டது.

அமெரிக்காவில் தனியார் ஏவுகணை தயாரிப்பு நிறுவனங்களும் உள்ளன. அவர்கள் சோதனை நடத்தி இருக்கலாம் என்று கருதப்பட்டது. தனியார் நிறுவனங்கள் சோதனை நடத்துவதாக இருந்தால் முன்கூட்டியே ராணுவத்திடம் அனுமதி பெற்று விட்டுதான் நடத்தும்.

அப்படி எந்த அனுமதியும் பெறவில்லை. எனவே தனியார் ஏவுகணை சோதனையும் நடக்கவில்லை என்பது உறுதியாகி உள்ளது.

அப்படியானால் ஏவுகணை சோதனை நடத்தியது யார்? என்பது மர்மமாக உள்ளது. இதுபற்றி அமெரிக்க ராணுவ தலைமையிடமான பென்டகன் விசாரணை நடத்தி வருகிறது.

வெளிநாட்டு ராணுவ நீர்மூழ்கி கப்பல்கள் ரகசியமாக இந்த பகுதிக்கு வந்து ஏவுகணை சோதனை நடத்தி பார்த்திருக்கலாம் என்று கருதப்படுகிறது. அமெரிக்கா ராணுவ வல்லமை படைத்த நாடு.

அதன் கட்டுக்காவலையும் மீறி வெளிநாட்டு நீர்மூழ்கி கப்பல் அமெரிக்க கடல்பகுதிக்கு வந்து சோதனை நடத்தி இருக்க முடியுமா? என்ற கேள்வி எழுந்துள்ளது. எனவே இந்த சம்பவம் அமெரிக்காவில் பரபரப்பை ஏற்படுத்தி உள்ளது.

மாலைமலர்

by **ராஜா** Thu Nov 11, 2010 3:57 pm

இவனுங்க ஒரு டுபாக்கூர் தல , இவனுங்களே பரபரப்புக்காக இதுமாதிரி செய்துகொள்ளுவார்கள் அமெரிக்காவில் பாய்ந்த மர்ம ஏவுகணை: வெளிநாட்டு ராணுவம் தாக்கியதா? 56667

by **சிவா** Thu Nov 11, 2010 4:38 pm

ராஜா wrote:இவனுங்க ஒரு டுபாக்கூர் தல , இவனுங்களே பரபரப்புக்காக இதுமாதிரி செய்துகொள்ளுவார்கள்

என்னதான் நடக்கிறது என்று பார்ப்போம்! அமெரிக்கா ஒரு இரும்புக் கோட்டை. உள்ளே ஏவுகணை வந்தால், கடல், தரை, ஆகாயம் என மூன்று படையும் ஒன்றாக தாக்கி அழித்துவிடும் என மார்தட்டினார்கள். இப்பொழுது எப்படி உள்ளே சென்றது எனத் தெரியவில்லையே?

வேறு ஏதாவது ஒரு நாட்டைத் தாக்கத் திட்டமிட்டு இப்படி வதந்தி பரப்புகிறார்களோ? (இந்தியாவா?)