கரைந்துபோன காலங்கள்

by வினுப்ரியா Tue Nov 09, 2010 8:29 pm

கரைந்துபோன காலங்கள்

விலை மதிப்பற்ற வைரங்களை -என்
வாழ்க்கைத் தடங்களெங்கும் -இறைவன்
வீசிச் சென்றிருந்தான் -நான்
வாரிஎடுக்கத் தெரியாமல்
வந்து விட்டு திரும்பிப் பார்க்கிறேன்!

தீட்டப்பட்ட பொன்னோவியங்களாய் நினைவுகள்
தீர்ந்துவிட்ட மணித்துளிகளாய் கனவுகள்
திருடிக்கொண்டு போனது எதுவோ?
திரும்பி வருமோ அதுவே?

பொக்கிஷங்களாய் பூத்திருந்த வயசும்
புதையல்களைப்போல
புதைந்துப் போன மனசும்
புதிதாய் மீண்டும் பூக்காதோ?

அழியாத இளமை
கழியாத இன்பமாய் -என்றும்
பொழிகின்ற அட்சயப்பாத்திரமாய்
வழிந்திருக்காதோ காலமெல்லாம்!?

நதியின் ஓட்டத்தில் ஓடாமல்
நிலையாய் நீந்தும் மீன்களைப்போல
காலத்தின் வெள்ளத்தில் துளித்துளியாய்
கலந்திருக்கும் பொன்துளிகளை
பொறிக்கவேண்டும் என் நிகழ்கால வாழ்க்கையில்..

by **சிவா** Tue Nov 09, 2010 8:39 pm

புதைந்த காலங்களை புறக்கணித்து விடு தோழி, நிகழ்காலமே நிலையான மகிழ்ச்சி, எதிர்கால மகிழ்ச்சிக்கு இன்றே திட்டமிடு!

இளமைக் காலங்கள் வாழ்வில் மின்னலென மறைந்து போகும், உண்மையான அன்பு மட்டுமே ஆயுள் முழுதும் உடன் இருக்கும்!

by kungumapottu gounder Tue Nov 09, 2010 8:45 pm

[b]பள்ளி ,கல்லூரி நினைவுகளா தோழி நடனம்

சிவா wrote:புதைந்த காலங்களை புறக்கணித்து விடு தோழி, நிகழ்காலமே நிலையான மகிழ்ச்சி, எதிர்கால மகிழ்ச்சிக்கு இன்றே திட்டமிடு!

இளமைக் காலங்கள் வாழ்வில் மின்னலென மறைந்து போகும், உண்மையான அன்பு மட்டுமே ஆயுள் முழுதும் உடன் இருக்கும்!

by வினுப்ரியா Tue Nov 09, 2010 8:53 pm

சிவா wrote:புதைந்த காலங்களை புறக்கணித்து விடு தோழி, நிகழ்காலமே நிலையான மகிழ்ச்சி, எதிர்கால மகிழ்ச்சிக்கு இன்றே திட்டமிடு!

இளமைக் காலங்கள் வாழ்வில் மின்னலென மறைந்து போகும், உண்மையான அன்பு மட்டுமே ஆயுள் முழுதும் உடன் இருக்கும்!

உங்களின் மறுமொழியே கவிதை போலிருக்கு சிவா .நன்றி சிவா