உங்கள் நட்சத்திரம் பூஜித்த தலம் தெரியுமா உங்களுக்கு?

by **krishnaamma** Thu Nov 04, 2010 10:25 pm

ஒவ்வொரு நட்சத்திரமும் ஒவ்வொரு கோயிலை வழிபட்டதாக சொல்வதுண்டு. அந்தந்த நட்சத்திரக்காரர்கள் தங்கள் தோஷங்களிலிருந்து விடுபட, வழிபட வேண்டிய அதிதேவதை ஒன்றும் உண்டு. உரிய தெய்வத்தை வழிபட்டால் தோஷங்கள் நீங்கும் என்பதில் ஐயமில்லை. உங்களுடைய நட்சத்திரம் என்னவென்று தெரிந்துகொள்ளுங்கள். அதற்கு ரிய தலத்தை முடிந்தபோது சென்று தரிசித்து வாழ்வில் வளம் பெறுங்கள்.

அஸ்வினி: இந்த நட்சத்திரம் வழிபட்டது திருக்கடையூர் கோயிலாகும். இந்த நட்சத்திரத்தின் அதிதேவதை சரஸ்வதி.

பரணி: இது வழிபட்ட கோயில் ஸ்ரீவாஞ்சியம். அதிதேவதை துர்க்கை.

கார்த்திகை: இது வழிபட்ட தலங்கள் சரவணப் பொய்கை, காசி, திருவண்ணாமலை ஆகியவை. அதிதேவதை அக்னி.

ரோகிணி: இது திருவானைக்காவலிலும், எல்லா விஷ்ணு கோயில்களிலும் வழிபாடு செய்தது. அதிதேவதை பிரம்மா.

மிருகசீரிஷம்: சிதம்பரம், சிவகங்கை முதலிய தலங்களில் இந்த நட்சத்திரம் வழிபாடு செய்திருக்கிறது. அதிதேவதை சந்திரன்.

திருவாதிரை: எல்லா சிவாலயங்களிலும், குறிப்பாக சிதம்பரத்தில் வழிபாடு செய்தது. அதிதேவதை பரமேஸ்வரன்.

by **krishnaamma** Thu Nov 04, 2010 10:27 pm

புனர்பூசம்: ராமேஸ்வரத்தில் வழிபட்டது. அதிதேவதை முருகன்.

பூசம்: பொதுவாகவே எல்லா சிவாலயங்களிலும் வழிபட்டது. வியாழன் எனப்படும் பிரகஸ்பதி, அதிதேவதை.

ஆயில்யம்: வழுவூர், மாகாளம் தலங்களில் வழிபட்டது அதிதேவதை ஆதிசேஷன்.

மகம்: பொதுவாகவே எல்லா சக்தி தலங்களிலும் வழிபட்டது. அதிதேவதை சாஸ்தா

பூரம்: எல்லா சக்தி தலங்களிலும் வழிபட்டது. அதிதேவதை பார்வதி.

உத்திரம்: திருவாரூர் தியாகேஸ்வரர், கமலாம்பிகையை வழிபட்டது. அதிதேவதை சாஸ்தா.

அஸ்தம்: திருவாரூர் தியாகேசுவரரை வழிபட்டது. அதிதேவதை சூரியன்.

சித்திரை: பொதுவாகவே எல்லா சிவாலயங்களிலும் வழிபட்டது. அதிதேவதை விஸ்வதேவர்.

சுவாதி: கேதாரநாதரை வழிபட்டது. அதிதேவதை லட்சுமி.

விசாகம்: பொதுவாகவே எல்லா முருகன் தலங்களில் வழிபட்டது. அதிதேவதை சுப்பிரமணியர்

அனுஷம்: வழிபட்டது திருநெல்வேலி நெல்லையப்பர் கோயிலில். அதிதேவதை வாயு.

கேட்டை: இளந்துறை மற்றும் திருநெல்வேலியில் வழிபட்டது. அதிதேவதை தேவேந்திரன்.

by **krishnaamma** Thu Nov 04, 2010 10:28 pm

மூலம்: மதுரை, வழிபட்ட தலம். அதிதேவதை அசுரன்.

பூராடம்: திருச்செந்தூர், வழிபட்ட தலம். அதிதேவதை வருணன்.

உத்திராடம்: சங்கர நயினார் கோயில், வழிபட்ட தலம். அதிதேவதை விநாயகர்.

திருவோணம்: பொதுவாகவே எல்லா வைணவத் தலங்களிலும் வழிபட்டது. அதிதேவதை மகாவிஷ்ணு.

அவிட்டம், சதயம்: காளஹஸ்தி, ஸ்ரீசைலம், கோகர்ணத்தில் வழிபட்டன. அவிட்டத்திற்கு இந்திரனும், சதயத்திற்கு எமனும் அதிதேவதை.

பூரட்டாதி, உத்திரட்டாதி: திருவாரூர் தேவ தீர்த்தத்தில் நீராடி, தியாகேசரை வழிபட்டன. பூரட்டாதிக்கு குபேரனும், உத்திரட்டாதிக்கு காமதேனுவும் அதிதேவதை.

ரேவதி: திருக்கடையூரில் வழிபட்டது. சனி அதிதேவதை.

நன்றி: தினகரன்

by புவனா Fri Nov 05, 2010 2:10 am

அறியாத தகவலை அறிய தந்தமைக்கு நன்றி

by **சிவா** Fri Nov 05, 2010 2:22 am

திருவோணம்: பொதுவாகவே எல்லா வைணவத் தலங்களிலும் வழிபட்டது. அதிதேவதை மகாவிஷ்ணு.

உங்கள் நட்சத்திரம் பூஜித்த தலம் தெரியுமா உங்களுக்கு? 154550

by **krishnaamma** Fri Nov 05, 2010 11:53 am

புவனா wrote:அறியாத தகவலை அறிய தந்தமைக்கு நன்றி

பொறுமையாக படித்ததற்கு நன்றி புவனா ! அன்பு மலர்

by **krishnaamma** Fri Nov 05, 2010 11:55 am

சிவா wrote:திருவோணம்: பொதுவாகவே எல்லா வைணவத் தலங்களிலும் வழிபட்டது. அதிதேவதை மகாவிஷ்ணு.

ஹோ, நீங்கள் திருவோணமா? நான் உத்திரட்டாதி.

பூரட்டாதி, உத்திரட்டாதி: திருவாரூர் தேவ தீர்த்தத்தில் நீராடி, தியாகேசரை வழிபட்டன. பூரட்டாதிக்கு குபேரனும், உத்திரட்டாதிக்கு காமதேனுவும் அதிதேவதை. புன்னகை