சூடான பனித்துளி

by வினுப்ரியா Wed Nov 03, 2010 6:47 pm

சூடான பனித்துளி!

சூடான பனித்துளி
உன் பார்வையில் கண்டேன்!
ஜில்லென்ற நெருப்பினை
உன்னருகில் உணர்ந்தேன்!

உன்னழகு
ஆபுத்திரன் கொடுத்த
அமுத சுரபியோ!
நான் அள்ளிப் பருகப் பருக
அதிகமாகிகொண்டே போகிறதே!?

உன் காலடித் தடம் கண்ட
என் வாசல்- புதுக்
கோலம் கொண்டதடி!

நீ வீசிச் சென்ற பார்வை-என்
வீதியில் வண்ணத்துப்பூச்சிகளாய்
வலம் வருகுதடி!

நீ பேசாத வார்த்தைகள்
என் வானத்தில்
தாரகைகளாக மின்னுதடி!

நீ சூடிய மல்லிகை
உன் கூந்தலில் இருந்து
உதிர்ந்த பின்பும்
என் கைகளில் வாசம் தருகுதடி!

நீ சூடாத மல்லிகை
உன் கழுத்தில் மாலையாக
என் கரங்களில் காத்திருக்குதடி!

by balakarthik Wed Nov 03, 2010 8:20 pm

by வினுப்ரியா Wed Nov 03, 2010 9:28 pm

balakarthik wrote:

அருமையான கவிதை....வாழ்த்துக்கள்....

by வினுப்ரியா Thu Nov 04, 2010 9:06 pm

தேனி சூர்யாபாஸ்கரன் wrote:

அருமையான கவிதை....வாழ்த்துக்கள்....

by அன்பு தளபதி Thu Nov 04, 2010 9:13 pm

சூப்பர் ஆனால் இன்னும்நிறைய எதிர்பார்க்கிறேன் உங்களிடமிருந்து

by வினுப்ரியா Thu Nov 04, 2010 9:26 pm

maniajith007 wrote:சூப்பர் ஆனால் இன்னும்நிறைய எதிர்பார்க்கிறேன் உங்களிடமிருந்து

நன்றி மணி .உண்மையில் இந்த கவிதையில் இன்னும் நிறைய எழுதியிருந்தேன் .சிலவற்றை தணிக்கை செய்தே வெளியிட்டேன் .இன்னும் என்ன விதமாக எதிர்பார்கிறிர்கள் என்று கூறினால் நானும் என்னை வளர்த்துக்கொள்ள வசதியாக இருக்கும்