கடவுளை வணங்கும் முறை

by **சிவா** Tue Nov 02, 2010 7:25 am

கடவுளை வணங்கும் முறை

கடவுளை வணங்குவதை வெறும் சம்பிரதாயமாக எடுத்துக் கொள்ளக்கூடாது. ஏதோ கோவிலுக்கு போனோம். சாமியைக் கும்பிட்டோம் என்று கடமையாகவும் எடுத்துக் கொள்ளக்கூடாது.

எல்லாவற்றிலும் ஒரு ஒழுங்குமுறை உள்ளது. கோவிலுக்குச் சென்று கும்பிடுவதில் அப்படி என்ன ஒழுங்குமுறை உள்ளது என்று பார்ப்போமா...?

* மூலவர் மற்றும் அம்மன் போன்ற திருவுருவங்களுக்கு அபிஷேகம் செய்யும்போது உட்பிரகாரத்தில் வலம் வரக்கூடாது.

* அஷ்டமி, நவமி, அமாவாசை, பவுர்ணமி, மாதப்பிறப்பு, சோமவாரம், சதுர்த்தி போன்ற நாட்களில் வில்வ இலை பறிக்கக்கூடாது. இதற்கு முந்தைய நாள் மாலையிலேயே இதைப் பறித்து வைத்துக் கொள்ள வேண்டும்.

* மேலே துண்டு போட்டுக் கொண்டு சுவாமி தரிசனம் செய்யக்கூடாது.

* கொடி மரம், நந்தி, கோபுரம் இவற்றின் நிழலை மிதிக்கக்கூடாது.

* விளக்கில்லாதபோது இருட்டில் வணங்கக்கூடாது.

* தகாத வார்த்தை மற்றும் எதிர்மறை சொற்களை பேசக்கூடாது.

* கோவிலுக்குள் தூங்கிவிடக்கூடாது. கோவிலுக்குச் சென்று வீடு திரும்பியதும், கால்களைக் கழுவக்கூடாது.

by **T.N.Balasubramanian** Tue Nov 02, 2010 7:37 am

நல்ல தகவல்கள்.
மேலும் ஒன்றை சேர்க்க விரும்புகிறேன்.
சுவாமிக்கு கற்பூர தரிசனம் காண்பிக்கும் போது கண்ணை மூடிக்கொண்டு சில பேர் வேண்டிக் கொள்வர்.
கர்பூரதரிசனம் காட்டும் போது, கண்ணார கடவுளை தரிசனம் செய்து ,நமக்கு வேண்டிய வரத்தை வேண்டி வணங்கி,
கோயிலைவிட்டு வெளி ஏறும்முன் ஓரிடத்தில் உட்கார்ந்து நாம் வேண்டிக் கொண்டதை பெறுவதற்கு நாம் என்ன செய்யவேண்டும் என்று கண் மூடி நிதானமாக யோசித்து , செயல் படுத்த வேண்டும்.

ரமணீயன்.