"அழகூட்டும் ஒரு எழுத்துக்கள்

by **T.N.Balasubramanian** Thu Oct 21, 2010 9:14 pm

"அழகூட்டும் ஒரு எழுத்துக்கள்."

இட்ட தலைப்பு ," ஒரு எழுத்துக்கள்"
இல்லாள் கூறினாள்," இலக்கண குறை" என்று.
சிறிதே மாற்றி,"அழகூட்டும் ஒரு எழுத்துக்கள்."
புருவம் உயர்ந்தது,புரிந்து கொண்டேன்.!

மை இல்லா இமை உனக்கழகில்லை. என்றேன், தயங்கியே,
தடுமாறிடும் உதடு ,பொய் உறைக்கியிலே என்றாள்.
கதை சொல்லாக் கவிதை உன் மௌனம் ,என்றேன்.
" நெற்றி காட்டுதே நெறி உள்ளவன் என்று ", என்றாள்.
விரசமான தொகுப்பும் ரசமான குப்பை ஆக்கும் ,
வெறிதான் உன் வெற்றிக்கு காரணம் என்றாள்.
மனை சிறக்க மனைவி வேண்டும்,
மணியனும் ரமணியன் ஆனதும் உன்னாலே.

பதி நான் பதிவிட ,
கரு நீ ,உருவாக்கும்
கருவி நான் என்றேன்.

ரமணீயன்.

by புவனா Thu Oct 21, 2010 10:33 pm

ஒரு எழுத்தில் ஓராயிரம் அர்த்தங்களா....
அருமை கவிதை...
அன்பு மலர்

by **T.N.Balasubramanian** Fri Oct 22, 2010 8:28 pm

நன்றி, ,புவனா,
மையல் கொள்ளும் எழுத்து என்ற பெருமை ,
இந்த "மை" யுக்கு உண்டென்பதுதான் உண்மை.

ரமணீயன்.

by வினுப்ரியா Fri Oct 22, 2010 8:56 pm

ஒரு எழுத்துக்கள்
இலக்கணப்பிழை என்று எண்ணியவாறே வாசித்தேன்
இது இலக்கணப்பிழை அல்ல
புது இலக்கிய நடையென்று ரசித்தேன்

பாதி தேன் படித்ததில் குடித்தேன்
பாதித்தேன் கவியின் அழகினில்
மீதித்தேன் உங்களுக்கு என் மறுமொழியினில்

அழகூட்டும் ஒரு மறுமொழியாக -என்
சிறுமொழி அமையாட்டும் என்றே
பதித்தேன்

by கலைவேந்தன் Fri Oct 22, 2010 9:04 pm

எழுத்து விளையாட்டு அருமை ஐயா..!

" இருமனம் இணைந்த பின்பு
இல்லறத்தில் இல்லை பிழை..என்பதை
இலக்கணப்பிழையின்று சொன்னது..கவி.."

சந்தோஷத்தில்.... அய்யா..

by செய்தாலி Sat Oct 23, 2010 6:49 pm

என்ன ஒரு அழகு ஐயாவின் எழுத்து விளையாட்டு ம்ம்ம் மிகவும் அருமை ரசனையுடன் வாசித்தேன் அல்ல அல்ல சுவைத்தேன்

by balakarthik Sat Oct 23, 2010 6:54 pm

சொல் விளையாட்டு சித்தரின் அழகூட்டும் ஒரு எழுத்துக்கள் அழகோ அழகு மகிழ்ச்சி

by அன்பு தளபதி Sat Oct 23, 2010 8:59 pm

அழகான கவிதை பதியும் சதியும் விளையாடும் வார்த்தை விளையாட்டு

by **T.N.Balasubramanian** Mon Oct 25, 2010 2:04 pm

வினுப்ரியா wrote:ஒரு எழுத்துக்கள்
இலக்கணப்பிழை என்று எண்ணியவாறே வாசித்தேன்
இது இலக்கணப்பிழை அல்ல
புது இலக்கிய நடையென்று ரசித்தேன்

பாதி தேன் படித்ததில் குடித்தேன்
பாதித்தேன் கவியின் அழகினில்
மீதித்தேன் உங்களுக்கு என் மறுமொழியினில்

அழகூட்டும் ஒரு மறுமொழியாக -என்
சிறுமொழி அமையாட்டும் என்றே
பதித்தேன்