பெரியாரின் பொன்மொழிகள்

பொதுத் தொண்டு செய்பவனுக்கு ஏற்படும் தொல்லைதான் அவன் தன் லட்சியத்துக்கு கொடுக்கும் விலை.

‘‘போதைப் பொருளைவிட, மது போதையைவிட அதிகம் ஆபத்தானது மத போதை. குடித்தவனை மட்டும்தான் கள் கெடுக்கிறது. கள் என்று சொன்னவுடனே யாருக்கும் மயக்கம் வராது. ஆனால், மதம் மனிதனை நினைத்த அளவிலேயே கெடுக்கிறது.’’

‘‘கண்டதும் காதல் கொண்டு, காதல் பசி தீர்ந்ததும் சலிப்படைந்து, அதன் பயனைப் பிறகு வேதனையுடன் பொறுத்துக் கொண்டிருப்பதென்றால், அது இன்ப வாழ்க்கையாக இருக்க முடியாது. உண்மையைப் பேச வேண்டுமானால், யாரைப் பார்த்தால் யாருக்குத்தான் காதல் இல்லாமல் இருக்க முடியும்?’’

‘‘பெண்களுக்கு உரிமை தரவேண்டும் என்று நான் சொல்வதை, ஆண்களே.. உங்கள் மனைவியை நினைத்துக்கொண்டு யோசிக்காதீர்கள். உங்களுடைய தங்கையை, மகளை நினைத்துக் கொண்டு யோசியுங்கள்.’’ பகுத்தறிவுக்கும், தன்மானத்துக்கும் முரண்பட்ட எதையும் நீக்க வேண்டும்.

‘‘மற்றவர்கள் உங்களிடத்தில் எப்படி நடந்துகொள்ள வேண்டும் என்று நீங்கள் விரும்புகிறீர்களோ அப்படி நீங்கள் மற்றவர்களிடம் நடந்து கொள்வதற்குப் பெயர்தான் ஒழுக்கம்.’’


‘‘கட்சியைவிட்டு மற்றவர்கள் போனால் கவலைப்படாதீர்கள். இன்னொரு கட்சியில் போய் சேர்ந்து விட்டார்கள் என்பதற்காக வருத்தப் படாதீர்கள். குடியிருந்த வீட்டுக்குக் கொள்ளி வைத்து எரிக்க நினைப்பவர்கள் வெளியேறுகிறார்கள் என்பதற்காக வருத்தப்படுவதா, மகிழ்ச்சி அடைவதா என்று கேட்டால் மகிழ்ச்சி அடைய வேண்டும். அவன் நிரந்தரமாக இங்கிருந்தால் இந்த வீடுதானே தொடர்ந்து எரிந்துகொண்டிருக்கும். அவன் வேறு வீட்டுக்குப் போனால் அவன் அந்த வீட்டையல்லவா எரிப்பான்! ஆகவே நம்மைப் பொறுத்த வரையில் இது லாபகரமான ஒன்று’’.

அரசாங்க வேலையில் இருந்த நண்பர் ஒருவருக்கு பெரியார் எழுதிய கடிதத்தில் இப்படி எழுதியிருந்தார்... ‘‘பொது வாழ்வில் இருப்பவர்களுக்கு சற்று அளவுக்கு மீறிய நாணயமும், கட்டுப்பாடும், உறுதியும், தியாக புத்தியும் வேண்டும். உத்தியோகத்தில் இருப்பவர்களுக்கு இவை வேண்டியதில்லை என்பதோடு, இவை உள்ளவர்கள் உத்தியோகத்தில் வெற்றி பெறவும் முடியாது.’’

‘‘இந்த மக்கள் என்ன நினைக்கிறார்கள் என்பதைப் பற்றி எனக்குக் கவலை இல்லை. அவர்களைத் திருத்துவதற்குத்தான் நான் வந்திருக்கிறேனே தவிர, அவர்களை என் வழிக்குக் கொண்டு வரத்தான் நான் இருக்கிறேனே தவிர, மக்கள் என்ன சொல்கிறார்கள் என்பது பற்றி எனக்குக் கவலை இல்லை.’’

முன்னோர்கள் சொன்னபடி நடக்கவேண்டும்; முன்னோர்கள் எழுதியபடி நடக்கவேண்டும்; பெரியவர்கள் நடந்தபடியே நாமும் செல்லவேண்டும் இந்த மூன்றும் நம் மக்களுக்கு உள்ள முட்டுக்கட்டைகள்.

//‘‘பொது வாழ்வில் இருப்பவர்களுக்கு சற்று அளவுக்கு மீறிய நாணயமும்,கட்டுப்பாடும், உறுதியும், தியாக புத்தியும் வேண்டும். உத்தியோகத்தில்இருப்பவர்களுக்கு இவை வேண்டியதில்லை என்பதோடு, இவை உள்ளவர்கள்உத்தியோகத்தில் வெற்றி பெறவும் முடியாது.’’//
பதிக்கப்பட வேண்டிய பொன்மொழி....
பதிவுக்கு நன்றி சிவா..