எரிந்த நிலையில் கர்ப்பிணி பெண் உடல் - லண்டன் போலீசார் விசாரணை!

by ரபீக் Mon 18 Oct 2010 - 11:58

பாகிஸ்தானை சேர்ந்த 23 வயதான ஆசியா கான் திருமணம் முடிந்து இந்த வருட தொடக்கத்தில் லண்டன் சென்று தன் கணவர் நவீதுடன் வசித்து வந்துள்ளார். அவர்களுடன் கணவரின் தாயும், இரு சகோதரிகளும் வசித்து வந்துள்ளனர்.

இந்நிலையில் திடீரென ஆசியா கானின் உடல் முற்றிலும் எரிந்த நிலையில் வீட்டின் பின்புற தோட்டத்தில் இருந்து கண்டெடுக்கப் பட்டுள்ளது. ஆசியா கானின் உடலில் தற்செயலாக தீப்பிடித்ததா இல்லை யாரேனும் செய்த சதியா என்பது குறித்து விசாரணை நடைபெற்று வருவதாக மேற்கு யார்க்சயர் காவல்துறை அதிகாரி ஒருவர் தெரிவித்தார். மேலும் அந்த பகுதிகளில் வைக்கப் பட்டுள்ள ரகசிய கேமராக்களில் ஏதேனும் தடயம் கிடைக்கிறதா என்று தேடி வருவதாகவும் தெரிவித்தார்.

சம்பவத்தன்று ஆசியா கானின் கணவர் உட்பட அனைவரும் வெளியே கடைக்கு சென்று விட்டு திரும்பிய போது வீடு பூட்டி இருப்பதைக் கண்ட நவீத் வீட்டின் சுவர் ஏறி குதித்து உள்ளே சென்று தேடிய போது தோட்டத்தில் எரிந்த நிலையில் ஆசியா கானின் உடலை கண்டு காவல்துறைக்கு தகவல் தெரிவித்துள்ளார்.

இது குறித்து அந்த தெருவில் வசித்து வரும் பெண் ஒருவர் கூறுகையில் '' ஆசியா கான் வெளியே எங்கும் செல்ல மாட்டார் ,அவரது குடும்பத்தினர் அதற்கு அனுமதிப்பதில்லை என்றும் அவருக்கு ஆங்கிலம் பேசத் தெரியாது என்றும் தெரிவித்தார். மேலும் ஆசியா கான் கர்ப்பிணியாக இருந்ததாகவும் அந்த பெண் தெரிவித்துள்ளார்.

இந்நேரம்