பல கலாசார முறையில் ஜெர்மன் தோல்வி கண்டுள்ளது : பிரதம மந்திரி

by ரபீக் Mon Oct 18, 2010 10:23 am

பல கலாசாரங்கள் ஒன்றோடொன்று இணைந்து வாழக்கூடிய முறையைக் கட்டியெழுப்புவதில் ஜெர்மனி தோல்விகண்டுள்ளதாக அதன் அதிபர் ஏன்ஜலா மார்கல் தெரிவித்துள்ளார்.
தனது பழமைவாத கிறிஸ்தவ ஜனநாயகக் கட்சியின் இளைஞர் பிரிவுடனான ஒரு சந்திப்பில் பேசும் போதே அவர் இந்தக் கருத்தை முன்வைத்துள்ளார்.

ஜெர்மனியின் பொட்ஸ்டாம் என்ற இடத்தில் நேற்று இந்தச் சந்திப்பு இடம்பெற்றது. பல இனம்,கலாசாரம்,மொழி என்பனவற்றைச் சேர்ந்தவர்கள் இரண்டறக்கலந்து மகிழ்ச்சியாக வாழலாம் என்ற முயற்சி ஜெர்மனியில் மிக மோசமான தோல்வியைத் தழுவியுள்ளது என்று மார்கல் கூறினார்.

ஜெர்மனியின் முக்கிய அரசியல் கட்சிகள் அண்மைக் காலத்தில் குடியேற்றவாதத்துக்கு எதிரான கருத்துக்களைத் தெரிவித்து வருகின்ற நிலையிலேயே ஜெர்மன் அதிபரின் கருத்தும் வெளியாகியுள்ளது.தமது நாடு வெளிநாட்டவர்களால் ஆக்கிரமிக்கப்படுவதாக 30%மான ஜெர்மனியர்கள் நம்புவதாக அண்மையில் நடத்தப்பட்ட மதிப்பீடொன்றில் தெரியவந்துள்ளது.

பிரட்ரிக் ஈபட்ஜ் மன்றத்தின் ஆய்வாளர்கள் நடத்திய ஒரு கருத்துக்கணிப்பில் ஜெர்மனியில் உள்ள புலம்பெயர்ந்த குடியேற்றவாசிகளுள் சுமார் 1கோடி 60 லட்சம் பேர் அந்த நாட்டின் சமூன நன்மைகளைக் குறிவைத்து வந்தவர்களே என்பதும் தெரியவந்துள்ளது.

குடியேற்றவாசிகள் ஜெர்மன் சமூகத்தோடு தம்மை இரண்டறக்கலக்க மேலும் பல முயற்சிகளைச் செய்யவேண்டும் என்றும் ஜெர்மன் அதிபர் கேட்டுக்கொண்டார்.அதில் முக்கியமானது அவர்கள் ஜெர்மன் மொழியைக் கற்றுக்கொள்ள வேண்டியது என்றும் அவர் யோசனைத் தெரிவித்தார்.

விடுப்பு குழுமம்

by கோவை ராம் Mon Oct 18, 2010 11:51 am

நல்ல காலம் இட்லர் மாதிரி ஆரம்பிக்காம இருந்தா சரி .

ராம்

பல கலாசார முறையில் ஜெர்மன் தோல்வி கண்டுள்ளது : பிரதம மந்திரி

பல கலாசார முறையில் ஜெர்மன் தோல்வி கண்டுள்ளது : பிரதம மந்திரி

Re: பல கலாசார முறையில் ஜெர்மன் தோல்வி கண்டுள்ளது : பிரதம மந்திரி