இறந்த குழந்தை உயிர்த்தது : பரகுவேயில் அதிசய சம்பவம்

by kirupairajah Sat Aug 08, 2009 5:05 pm

பரகுவேயில் உயிரிழந்ததாக மருத்துவர்கள் அறிவித்த பச்சிளம் குழந்தையொன்று திடீரென உயிர்த்ததாகத் தெரிவிக்கப்படுகிறது.

உயிரிழந்து விட்டதாகக் கூறப்பட்ட குழந்தை சில மணித்தியாலங்களின் பின்னர் உயிருடன் இருப்பதாக அறிவிக்கப்பட்டது.

இறந்த குழந்தையை வீட்டுக்கு எடுத்துச் சென்ற பெற்றோர், இறுதிக் கிரியைகளுக்காக எடுத்துச் செல்லும் வழியில் வைத்தே குழந்தை இறக்கவில்லை என்பதைக் கண்டு பிடித்ததாகக் கூறப்படுகிறது.

சவப்பெட்டிக்குள்ளிருந்த தனது மகன் அழுவதைத் தன்னால் கேட்க முடிந்ததாக குழந்தையின் தந்தை ஜோஸ் அல்வரென்கா தெரிவித்துள்ளார்.

குறித்த குழந்தை அதே வைத்தியசாலையில் மீண்டும் அனுமதிக்கப்பட்டுள்ளதாகவும், தற்போது தீவிர சிகிச்சைப் பிரிவில் சிகிச்சை பெற்று வருவதாகவும் தெரிவிக்கப்படுகிறது.

குழந்தை ஆபத்தான கட்டத்தைத் தாண்டி விட்டதாக மருத்துவர்கள் தெரிவித்துள்ளனர். குழந்தை உயிரிழந்து விட்டதா என்பதனை மருத்துவர்கள் சரியான முறையில் பரிசோதனை செய்யவில்லை என குழந்தை நல மருத்துவப் பிரிவின் பொறுப்பாளர் குற்றஞ்சாட்டியுள்ளார்.