வயர்லெஸ் மொபைல் சார்ஜர் அறிமுகம்

by கார்த்திக் Thu Sep 30, 2010 2:40 pm

இனி மொபைல் போனுக்கான சார்ஜை தூரத்தில் இருந்தே ஏற்றிக்கெள்ளலாம். அதற்கான வயர்லெஸ் மொபைல் சார்ஜர்களை ஜப்பானின் முன்னணி எலெக்ட்ரானிக்ஸ் உபகரணங்கள் தயாரிக்கும் நிறுவனமான பியூஜிட்சு அறிமுகப்படுத்தவுள்ளது.

ஜப்பானில் நடைபெற்ற எலக்ட்ரானிக்ஸ், மற்றும் இன்பர்மேசன் கம்யூனிகேசன் என்ஜினியர்களின் மாநாட்டில், பியூஜிட்சு நிறுவனத்தினரால் தாயாரிக்கபபட்ட வயர்லெஸ் மொபைல் சார்ஜர் காட்சிக்கு வைக்கப்பட்டது.

இந்த மாடல் குறித்து அந்நிறுவனம் வெளியிட்டுள்ள அறிக்கையில், “ புதுதாக உருவாக்கப்பட்டுள்ள இந்தச் சாதனம், புரோட்டோடைப்பை அடிப்படையாகக் கொண்டு உருவாக்கப்பட்டது எனவும், இந்தச் சாதனம் இய‌ங்கும் போது, மின்சாரம், மின்காந்த அலைகளாக மாற்றப்பட்டு காற்றில் பரவி, சார்ஜர் சாதனத்திற்கும், மொபைல் போனுக்கும் இடையே பாலமாக அமைந்து சார்ஜ் ஏறுகிறது என்றும், சில மீட்டர் தூர தொலைவிலும் இதிலிருந்து எளிதாக சார்ஜ் ஏற்ற முடியும் என்றும் குறிப்பிடப்பட்டுள்ளது.

மேலும், இந்த முயற்சி தற்போது ஆய்வில் இருந்து வருவதாகவும், விரைவில் இந்தச் சாதன‌த்தை வர்த்தகப்படுத்த திட்டமிட்டுள்ளதாகவும், 2012ஆம் ஆண்டிற்குள், இதனை சந்தைப்படுத்தவுள்ளதாகவும் பியூஜிட்சு நிறுவனம் அந்த அறிக்கையில் தெரிவித்துள்ளது.