பெண்ணை கடத்தியவருக்கு நூதன தண்டனை

by கார்த்திக் Sun 26 Sep 2010 - 18:42

உத்தரபிரதேச மாநில அலிகாரை சேர்ந்தவர் ராஜ்பால் (28). பழ வியாபாரியான இவருக்கு திருமணமாகி 2 குழந்தைகள் உள்ளனர். இவர் பக்கத்து வீட்டைச் சேர்ந்த 14 வயது மைனர் பெண்ணை கடத்தி சென்று கட்டாய திருமணம் செய்தார். இதையடுத்து போலீசார் வழக்கு பதிவு செய்து ராஜ்பாலை கைது செய்தனர்.

ராஜ்பால் மீது டெல்லி செசன்ஸ் கோர்ட்டில் வழக்கு தொடரப்பட்டது. வழக்கை நீதிபதி விசாரித்து நூதன முறையில் தண்டனை வழங்கினார். அதாவது ராஜ்பால் ஒரு வருடத்துக்கு காயம்பட்ட மற்றும் நோய் வாய்ப்பட்ட மிருகங்களை பராமரிக்க வேண்டும் என்று உத்தரவிட்டார்.

மேலும் ரூ.10 ஆயிரம் மதிப்புள்ள பாண்டு உத்தரவாதம் அளிக்க வேண்டும் என்றும் கூறினார். ராஜா கார்டனில் உள்ள சஞ்சய்காந்தி மிருகங்கள் பாதுகாப்பு மையத்தில் பணிபுரிய வேண்டும் வாரத்தில் 3 நாட்களில் தினமும் ஒரு மணி நேரம் பணிபுரிய வேண்டும்.

இதை மீறி அவர் வேலைக்கு வராமலேயே அசட்டையாகவோ இருந்தால் 2 ஆண்டுகள் ஜெயில் தண்டனை விதிக்கப்படும் என்றும் நீதிபதி எச்சரித்தார். அதன் பிறகு 2 ஆண்டுகளுக்கு நன்னடைத்தையுடன் இருக்க வேண்டும் என்றும் உத்தரவிட்டுள்ளார்.