வெற்றிலை

by **சிவா** Tue Aug 04, 2009 3:03 am

குழந்தைகளுக்கு சளித் தொல்லையா? கொழுந்து வெத்திலையை நல்லெண்ணெயில் விளக்கில் வாட்டி சாறு பிழிந்து, கொடுத்தால் சளி குறையும்.

வெற்றிலைச் சாறு, வேப்பிலைச் சாறு இரண்டையும் சம அளவு எடுத்து குழந்தைக்கு புகட்ட குழந்தையின் கக்குவான் இருமல் உடனே நிற்கும்.

ஐந்து பெரிய வெற்றிலை, ஐந்து வேப்பிலை, கற்பூர வில்லை ஒன்று, மூன்றையும் அரைத்து ஒற்றைத் தலைவலிக்கு பற்றுபோல் தலையில் போட்டால் நாளடைவில் ஒற்றைத் தலை வலி குணமாகும்.

வெற்றிலையை நல்லெண்ணெய் விளக்கில் வாட்டினால் துவளும். அந்த இளம் சூட்டுடன் அடிப்பட்ட வீக்கத்தின் மீது போட்டால் வீக்கம் வடியும்.

வெற்றிலை, கிராம்பு இரண் டையும் தண்ணீர் விட்டு அரைத்து மருதாணி போல அரைத்து, அதில் பத்து சொட்டு யூகலிப்டஸ் ஆயில் விட்டு வெயிலில் காய வைக்கவும். காய்ந்த வில்லைகளை சுத்தமான தேங்காய் எண்ணெயில் போட்டு வைத்து அந்த தேங்காய் எண்ணெயை தலைக்கு தடவி வந்தால் பொடுகு அண்டாது. முடியும் உதிராது.

ஆஸ்துமா, ஈஸினோபிலீயா, இழுப்பு, மூச்சிரைப்பு நோயாளிகள் அடிக்கடி வெற்றிலையை அடிக்கடி மென்று சாறை விழுங்கினால் இவற்றின் பாதிப்புகள் மட்டுப்படும்.