தலைவனாக இருப்பதற்கு தகுதி வேண்டுமா ?

by megastar Fri Sep 17, 2010 4:34 pm

இந்த கேள்வி நம் மனதில் எழுந்தால் நாம் என்ன சிந்தனை செய்வோம், அம்மாடி, நம்மால் முடியாது, அதெல்லாம் அறிவு, திறமை இருப்பவர்களுக்கு தான், இப்படி நாம் தொண்டனாக இருக்கவே பயப்படும் நிலையில் உள்ளோம். தகுதி என்பது, நாமாக தேடி கொள்வது, நம் கல்வி, நம் சிந்தனை மற்றும் சூழ்நிலை போன்றவைகள் தான் நம் திறமைகளை வளர்க்கும் காரணிகளாகும். இதற்க்கு ஏகப்பட்ட உதாரணங்களை நாம் காட்ட முடியும். இதற்கு ஒரு சிறிய கதையை பார்ப்போம்.

உடலிலுள்ள உறுப்புகள் தங்களுக்குள், யார் தலைவன் என போட்டி போட்டுக்கொண்டன, முதலில் மூளையானது , தான் தான் எல்லா உறுப்புகளையும் இயக்குவதாகவும் அதனால் தனக்கு தான் தலைமை பொறுப்பேற்க தகுதி உள்ளது என வாதிட்டது, உடனே கண்கள், தான் உலகை பார்த்து, உடலை வழி நடத்துவதனால், நான் தான் பெரியவன் என்றது, இப்படியே, கைகள், கால்கள், இதயம்,போன்ற உறுப்புகள் தங்கள் பங்குக்கு, அதனதன் முக்கியத்துவங்களை எடுத்துக் கூறி தங்களுக்குத் தான் தலைமை பொறுப்பேற்க தகுதி இருக்கிறது என்றது. கடைசியில், ஆசனவாய், இல்லை இல்லை, நான் தான் தலைவனாவேன் என்றது. இதை கேட்ட மற்றவர்கள் சிரித்தனர், போயும் போயும், இந்த கீழ்த்தரமான ஆசனவாய் தங்களுக்கு , நிகராய் போட்டி போடலாமா என ஏளனம் செய்தன. இதனால் கோபமடைந்த ஆசனவாய், உடனே தான் இயக்கத்தை நிறுத்திவிட்டது.

ஒரு நாளாயிற்று, மறு நாளாயிற்று, காலம் செல்ல செல்ல, உடல் நாறத் தொடங்கியது, மற்ற உறுப்புகளின் செயல்கள் முடங்க ஆரம்பித்தன. உடனே அனைவரும் ஒன்று கூடி ஆசனவாயிடம் சரணடைந்தன, அதனை தங்கள் தலைவனாக ஏற்றுக்கொண்டன, பிறகென்ன வாசல் திறந்தது, மலம் வெளியேறியது, உடல் சுகம் பெற்றது. இங்கே நாம் கற்கும் பாடம், தகுதி யாருக்கு வேணுமென்றாலும் வரலாம். ஆசன வாய் கூட தலைவனாகலாம். அதற்க்கு மூளையெல்லாம் தேவை இல்லை. இதை தான் ஆங்கிலத்தில் ..You don’t need brains to be a BOSS- any asshole will do... ஆனால் முயற்சிகள் அவசியம், முயற்சிகள் இல்லாத ஆசைகள், தலையில்லா முண்டம் போல்.