தங்கப் பூனை

by கார்த்திக் Wed Sep 15, 2010 3:51 pm

÷பாறைகள் அதிகமுள்ள வனப் பிரதேசங்களில்தான் தங்கப் பூனைகள் அதிகமாகக் காணப்படுகின்றன. இமயமலைத் தொடர்களில், கடல் மட்டத்திலிருந்து 3000 அடி உயரம் வரை உள்ள இடங்களில், தங்கப் பூனைகள் கண்டுபிடிக்கப் பட்டிருக்கின்றன. இவை, தனியே இரைதேடும் இயல்புடையவை. இவை, சிறிய வகையான மான்களையும், பறவைகளையும் உண்கின்றன.

÷காடுகளை அழிப்பதாலும், வேட்டையாடப்படுவதாலும் தங்கப் பூனைகள் வெகுவாக அழிந்து கொண்டிருக்கின்றன.

இவை, பார்ப்பதற்கு சிறிய புலியைப் போன்றிருக்கும். பொதுவாக, தங்க நிறம் கலந்த தவிட்டு நிறமே இதன் நிறம். இதன் எடை 16 கிலோ கிராம். தென்கிழக்கு ஆசியப் பகுதிகளில் இவை அதிகமாக வாழ்கின்றன. இந்தியா, சீனா, திபெத்து, பூட்டான் ஆகிய நாடுகளில் இவற்றைப் பார்க்க முடியும்.

÷அடர்ந்த தவிட்டு நிறத்திலும், சாம்பல் நிறத்திலும், கருப்பு நிறத்திலும் தங்கப் பூனைகள் இருக்கின்றன. சிறுத்தையைப் போன்று உடல் முழுதும் புள்ளிகள் உள்ள தங்கப் பூனைகள் சீனாவில் இருக்கின்றன.