பள்ளி மாணவியை கடத்தி “செக்ஸ்” சித்ரவதை

by ரபீக் Wed Sep 08, 2010 12:22 pm

சென்னை வளசரவாக்கம் ஜெய் நகரில் வசித்து வருபவர் பிரபாகர் (வயது 28). வீடு வீடாக சென்று தண்ணீர் கேன் சப்ளை செய்யும் வேலை செய்து வருகிறார். அப்போது அதே பகுதியைச் சேர்ந்த அகல்யா (வயது 16), (பெயர் மாற்றப்பட்டுள்ளது) என்ற இளம்பெண்ணை காதல் மொழி பேசி மயக்கினார்.

பிளஸ்-1 மாணவியான அகல்யாவை கடந்த சில நாட்களுக்கு முன்பு பரங்கி மலையில் உள்ள தனது சகோதரி வீட்டுக்கு அழைத்து சென்றார். அங்கு கடைக்கு சென்று விட்டு வருவதாக கூறிச்சென்றவர் பின்னர் வீடு திரும்பவில்லை.

இது குறித்து பரங்கிமலை போலீசில் புகார் செய்யப்பட்டது. போலீசார் வழக்குப்பதிவு செய்து விசாரணை நடத்தினர். அப்போது அகல்யா செஞ்சியில் இருப்பது தெரிய வந்தது. அவரை பிரபாகர் ஏமாற்றி கடத்திச்சென்றிருப்பது கண்டுபிடிக்கப்பட்டது.

இதையடுத்து மாணவி அகல்யாவை மீட்க போலீசார் முயற்சி செய்தனர். அதற்குள் பிரபாகர், அகல்யாவை பரங்கிமலையில் சகோதரியின் வீடு அருகே கொண்டு வந்து விட்டு தப்பிச்சென்று விட்டார். இதனால் அதிர்ச்சி அடைந்த போலீசார் அகல்யாவை வைத்தே, பிரபாகரை பிடிக்க திட்டமிட்டனர்.

இதன்படி அகல்யா, பிரபாகருடன் போனில் பேசி அண்ணாசாலை எல்.ஐ.சி. கட்டிடம் அருகே வரவழைத்தார். அப்போது மாறுவேடத்தில் பதுங்கி இருந்த போலீசார் பிரபாகரை சுற்றி வளைத்து கைது செய்தனர்.
போலீஸ் விசாரணையில் பிரபாகர் அகல்யாவை செக்ஸ் சித்ரவதை செய்தது தெரிய வந்தது. கடத்தல் வழக்கில் பிரபாகரை கைது செய்து போலீசார் சிறையில் அடைந்தனர்.

நன்றி மாலைமலர்