போதையில் மிதந்த கிராம மக்கள்

by **சிவா** Fri Jul 31, 2009 7:36 pm

மதுபாட்டில் லாரி கவிழ்ந்ததால் போதையில் மிதந்த கிராம மக்கள் அதிகாலையில் அதிர்ஷ்டம்
போதையில் மிதந்த கிராம மக்கள் High_2

ஜாஜ்பூர்: மதுபாட்டில்கள் ஏற்றிச் சென்ற லாரி அதிகாலையில் கவிழ்ந்ததால் 30 கிராம மக்கள் போதையில் மிதந்தனர்.

ஒரிசாவில் உள்ள பூரி மாவட்டத்தில் இருந்து பாலசூர் மாவட்டத்துக்கு 1080 பெட்டி மதுபாட்டில்கள் ஏற்றிய லாரி ஒன்று நேற்று முன்தினம் இரவு சென்றது. ஜாஜ்பூரில் இருந்து 30 கி.மீ. தொலைவில் உள்ள கரஸ்ரோடா நதி பாலத்தின் அருகே அதிகாலையில் சென்றபோது, திடீரென சாலையில் இருந்து உருண்டு லாரி கவிழ்ந்தது.
இதனால், லாரியில் இருந்த மதுபாட்டில் பெட்டிகள் சிதறின.

காலையில் அந்த சாலை வழியாக சென்ற சிலர் இதை பார்த்ததும் இன்ப அதிர்ச்சி அடைந்தனர். முடிந்த வரை பாட்டில்களை சுருட்டிக் கொண்டு, ஊருக்குள் சென்று தகவல் தெரிவித்தனர். இது காட்டுத் தீ போல் சுற்று வட்டாரத்தை சேர்ந்த 30 கிராமங்களுக்கும் பரவியது. அங்கிருந்து ஆண்களும், பெண்களும் கூட்டம் கூட்டமாக ஓடி வந்து மதுபாட்டில்களை தூக்கிச் சென்று போதையில் மிதந்தனர்.

தகவல் கிடைத்து அதிகாரிகள் வருவதற்குள் பாதி லாரி காலியாகி விட்டது. சேதமடைந்ததை தவிர மற்ற பாட்டில்களை அதிகாரிகள் காப்பாற்றினர்..