ஆசிரியரை நிர்வாண படமெடுத்த மாணவனின் தாய்

by டயானா Sat Sep 04, 2010 10:34 am

திருவனந்தபுரம் : கேரளாவில் பள்ளி ஆசிரியரை மிரட்டி நிர்வாண புகைப்படம் எடுத்து காரை பறித்த பெண் உட்பட 5 பேரை போலீசார் கைது செய்தனர்.கேரள மாநிலம் திருவனந்தபுரத்தில் உள்ள பேட்டையை சேர்ந்தவர் ராஜேஷ் (29). அங்குள்ள தனியார் மேல்நிலைப் பள்ளி ஆசிரியராக உள்ளார். இந்த பள்ளியில் பிளஸ் 1 படிக்கும் ஒரு மாணவனின் தாய் மோளி (35). விவாகரத்து பெற்றவர். அருகில் உள்ள வெள்ளாயணி பகுதியில் வசிக்கிறார். அரபு நாடுகளில் பணியாற்றி வந்த அவர், சில மாதங்களுக்கு முன்பு ஊர் திரும்பினார். பின்னர், பத்தனம்திட்டை சேர்ந்த ரெஜி (26) என்பவரை 2வது திருமணம் செய்தார். ரெஜி மீது ஏராளமான கிரிமினல் வழக்குகள் உள்ளன.இந்த நிலையில், தனது மகன் படிக்கும் பள்ளிக்கு மோளி அடிக்கடி செல்வது வழக்கம். அப்போது, ராஜேஷுடன் பழக்கம் ஏற்பட்டது. மோளியின் இனிமையான பேச்சில் ராஜேஷ் மயங்கினார். இதை சாதகமாக்கிக் கொண்ட மோளி, ராஜேஷை நிர்வாண புகைப்படம் எடுத்து பணம் பறிக்கலாம் என ரெஜியுடன் சேர்ந்து திட்டம் போட்டார்.அதன்படி, 2 தினங்களுக்கு முன்பு ராஜேஷிடம் போனில் பேசிய மோளி, ‘மகன் படிப்பு பற்றி பேசவேண்டும். உடனே காரில் என் வீட்டுக்கு வாருங்கள்’ என அழைத்தார். முன்னதாக, ரெஜி தனது நண்பர்கள் ரஞ்சித் (19), ஜிஸ்னு (19), ஷாஜு (18) ஆகியோரை அழைத்து வந்து வீட்டுக்கு வெளியே மறைந்து இருந்தார். அதே நேரம், மோளியின் வீட்டுக்கு காரில் செல்லாமல் பைக்கில் சென்றார் ராஜேஷ். மோளியும் அவரும் வீட்டில் அமர்ந்து பேசிக் கொண்டு இருந்தனர்.அப்போது, வீட்டுக்குள் நுழைந்த ரெஜியும், நண்பர்களும், ‘உல்லாசமாக இருக்கவா வந்தாய்?’ என்று ராஜேஷை கத்திமுனையில் மிரட்டினர். அவரை நிர்வாணப்படுத்தி, மோளியுடன் உல்லாசமாக இருப்பது போல் செல்போனில் புகைப்படம் எடுத்தனர். ஸி5 லட்சம் மதிப்புள்ள ராஜேஷின் காரை மோளிக்கு விற்றதாக எழுதி வாங்கினர். ஸி30,000 மதிப்புள்ள 3 செல்போன், ஏ.டி.எம். கார்டு, அதன் ரகசிய எண் ஆகியவற்றையும் மிரட்டி பறித்தனர். பின்னர், ராஜேஷை பைக்கில் அவருடைய வீட்டுக்கு அழைத்துச் சென்று விட்டுவிட்டு காரை எடுத்துக் கொண்டு தப்பினர். பெற்றோர் கேட்டபோது, தனது காரை நண்பர்களுக்கு கொடுத்து விட்டதாக ராஜேஷ் கூறினார். ஆனால், அவருடைய நடவடிக்கையில் நண்பர் பிரதீப் சந்தேகம் அடைந்து விசாரித்தபோது, ராஜேஷ் எல்லா விவரங்களையும் கூறி விட்டார். உடனே இருவரும் நகர துணை போலீஸ் கமிஷனர் நாகராஜுடம் புகார் செய்தனர். அவருடைய உத்தரவின் பேரில் நேமம் இன்ஸ்பெக்டர் ஸ்டூவர்ட் கீலர் வழக்குப் பதிவு செய்து மோளி, ரெஜி உட்பட 5 பேரையும் கைது செய்தார். அவர்களிடம் விசாரணை நடந்து வருகிறது.