அரசு அலுவலகங்களில்"உவ்வே' படம் பார்க்கும் ஊழியர்கள்

அரசு நிர்வாகத்தை படிப்படியாக கம்ப்யூட்டர் மயமாக்கி வருகிறது. இதற்காக அரசு அலுவலகங்களில் கம்ப்யூட்டர் சாதனங்கள் பொருத்தப்படுகிறது. ஊழியர்களுக்கும் உரிய பயிற்சி அளிக்கப்பட்டு வருகிறது.
அரசு அலுவலகங்களில் உள்ள கம்ப்யூட்டர்களில், இணையதளங்களின் வாயிலாக, அலுவலக கணக்கிலேயே பணம் செலுத்தி, பணி நேரத்திலேயே ஆபாச படங்கள், சினிமா படங்கள் உள்ளிட்டவற்றை ஊழியர்கள் பார்ப்பது தெரிய வந்துள்ளது.உச்சக்கட்டமாக, தலைமை செயலக நிர்வாக துறை அலுவலகத்திலேயே இந்த கூத்துக்கள் நடப்பது தெரிய வந்துள்ளது. ஒரே செக்ஷனில் கூடும் ஊழியர்கள், மது அருந்தியபடி, குழுவாக ஆபாச படங்களை பார்க்கின்றனராம்.

மேலும், அலுவலக கம்ப்யூட்டர்களில், சொந்த வேலைகள் பார்ப்பது, வீடியோ கேம்ஸ் விளையாடுவது உள்ளிட்டவற்றையும் ஊழியர்கள் செய்துவருகின்றனர். இதனால், அலுவலக பணிகள் பெருமளவு பாதிக்கப்படுவது தெரியவந்துள்ளது.இது தொடர்பான புகார்கள் குவிந்ததால், நிதித்துறை தொடர்பான அலுவலகத்தில், பெண் அதிகாரி ஒருவர் திடீர் சோதனை மேற்கொண்டுள்ளார். இதனால் அவருக்கு பெரும் தர்மசங்கடம் ஏற்பட்டுள்ளது. காரணம், உயர் பதவியில் இருக்கும் சில அதிகாரிகளே இத்தகைய நடவடிக்கையில் ஈடுபட்டிருந்தது தான்.

இதனிடையே, தலைமை செயலக நிர்வாகத் துறை தலைமை செயலர் பாண்டே, இந்த புகார்கள் குறித்து, தீவிர நடவடிக்கை எடுக்க உத்தரவிட்டுள்ளார். மேலும், அலுவலகங்களில் உள்ள இணையதள இணைப்புக்களில் ஆபாச மற்றும் தேவையற்ற இணையதளங்களை முடுக்கி வைக்கவும் ஐ.டி., துறைக்கு உத்தரவிடப்பட்டுள்ளது. இந்த புகார்கள் முதலமைச்சர் அலுவலக கவனத்திற்கும், உயர் அதிகாரிகளின் கவனத்திற்கும் கொண்டு செல்லப்பட்டுள்ளது.அலுவலக நேரத்தில், இத்தகைய ஒழுங்கீன நடவடிக்கைகளில் ஈடுபடும் ஊழியர்கள் மீது சட்ட ரீதியான நடவடிக்கை எடுக்கவும் ஆலோசனை மேற்கொள்ளப்பட்டு வருகிறது.