சேலத்தில் நாளை திமுக பொதுக்கூட்டம்: கலைஞர் சிறப்புரையாற்றுகிறார்

சேலத்தில் நாளை திமுக பொதுக்கூட்டம்,
அமைச்சர் வீரபாண்டி ஆறுமுக மகன் திருமணம் உள்ளிட்ட பல்வேறு
நிகழ்ச்சிகளில் முதல்வர் கருணாநிதி கலந்துகொள்கிறார். அதற்கா அவர் இன்று
இரவு சேலம் செல்கிறார்.
சேலத்தில் சூப்பர் ஸ்பெஷாலிட்டி
மருத்துவமனை, புதிய மாவட்ட கலெக்டர் அலுவலக கட்டிடம், மாவட்ட - மாநகர
காவல் துறை கட்டிட அலுவலகங்கள், செவிலியர் பயிற்சி கல்லூரி, தங்கும்
விடுதி, பள்ளி கட்டிடங்கள் திறப்பு விழா மற்றும் புதிய கட்டிடங்களுக்கு
அடிக்கல் நாட்டு விழா, நலத்திட்ட உதவிகள் வழங்கும் விழா என மொத்தம் 321
கோடியே 14 லட்சம் மதிப்பிலான திட்டங்களுக்கான விழா நாளை மாலை 4 மணிக்கு
நடக்கிறது.

சேலம் சூப்பர் ஸ்பெஷாலிட்டி மருத்துவமனை வளாகத்தில் அமைக்கப்பட்டுள்ள பிரமாண்ட பந்தலில் இந்த விழா நடக்கிறது.

விழாவில்
தமிழக முதலமைச்சர் கருணாநிதி கலந்து கொண்டு புதிய கட்டிடங்களை திறந்து
வைத்தும், புதிய திட்டங்களுக்கு அடிக்கல் நாட்டியும் மற்றும் நலத்திட்ட
உதவிகளையும் வழங்கி சிறப்புரையாற்றுகிறார்.

இந்த விழாவுக்கு
அமைச்சர் வீரபாண்டி ஆறுமுகம் தலைமை தாங்குகிறார். தமிழக நிதி அமைச்சர்
பேராசிரியர் அன்பழகன், தமிழக துணை முதலமைச்சர் மு.க. ஸ்டாலின் ஆகியோர்
முன்னிலை வகிக்கிறார்கள்.

விழாவில் மத்திய அமைச்சர்கள் மு.க.
அழகிரி, தயாநிதிமாறன், ராசா, காந்திசெல்வன், பழனி மாணிக்கம்,
ஜெகத்ரட்சகன், நெப்போலியன், கனிமொழி எம்.பி., துணைசபாநாயகர்
வி.பி.துரைசாமி, தமிழக அமைச்சர்கள் ஆற்காடு வீராசாமி, கோ.சி. மணி,
துரைமுருகன், எம்.ஆர்.கே. பன்னீர்செல்வம், பொன்முடி, கே.என்.நேரு,
கே.கே.எஸ்.எஸ்.ஆர். ராமச்சந்திரன், சாமிநாதன், எ.வ. வேலு, தா.மோ.

அன்பரசன்,
கீதா ஜீவன், தங்கம் தென்னரசு, உபயதுல்லா, பூங்கோதை, ராமச்சந்திரன், சுப.
தங்கவேலன், டி.பி.எம். மைதீன்கான், பெரிய கருப்பன், கே.பி.பி. சாமி,
மதிவாணன், பரிதி இளம் வழுதி, பொங்கலூர் பழனிச் சாமி, என்.செல்வராஜ், ஆ.
தமிழரசி கலந்து கொள்கிறார்கள்.

நாளை காலை 9.30 மணிக்கு சேலம்
உத்தம சோழபுரம் வி.எஸ்.ஏ. பொறியியல் கல்லூரி வளாகத்தில் அமைச்சர்
வீரபாண்டி ஆறுமுகம், இளைய மகன் டாக்டர் பிரபு - கவுதமி திருமணத்தை
முதலமைச்சர் கருணாநிதி நடத்தி வைக்கிறார்.

மாலை 6 மணிக்கு சேலம்
பள்ளப்பட்டி ஜவகர் மில் திடலில் பிரமாண்ட மாநாடு போல நடக்க இருக்கும்
சேலம் மாவட்ட தி.மு.க. பொதுக்கூட்டத்தில் முதலமைச்சர் கருணாநிதி கலந்து
கொண்டு பேசுகிறார்.

இந்த விழாக்களில் கலந்து கொள்வதற்காக இன்று
இரவு சென்னையில் இருந்து முதலமைச்சர் கருணாநிதி ஏற்காடு எக்ஸ்பிரஸ் ரயில்
மூலம் சேலம் செல்கிறார்.

திருச்சி தந்த பயம் நாளை பேச்சில் தெரியும்

இந்த விழாக்களில் கலந்து கொள்வதற்காக இன்று
இரவு சென்னையில் இருந்து முதலமைச்சர் கருணாநிதி ஏற்காடு எக்ஸ்பிரஸ் ரயில்
மூலம் சேலம் செல்கிறார்.

இது தான் வித்தியாசம் ..தனிவிமானம்,தனிபயணம்
என்று இல்லாமல் இருப்பது சிறப்புக்குரியது ........

திமுக பொதுக்கூட்டம் காரணம். இங்கு வீரபாண்டி ஆறுமுகம் அவரின் மகன் திருமணம். அதை முடித்ததும் பொது கூட்டம் ஆரம்பம். ஆனால் ஒரு சந்தேகம் தோழர்களே. இங்கு இதன் பெயர் திருமணமா? அல்லது ஒரு திருவிழாவா என்ற சந்தேகமாக இருக்கிறது. அவ்வளவு ஆடம்பரம், கட்சிக் கொடி, அரசு கல்லூரி சிலவற்றிற்கு விடுமுறை, அதுமட்டுமல்ல சில பள்ளிகளுக்கும் விடுமுறை. என்ன இது ?