கரு மந்திரம்

கருவாய் இருக்கும் கண்மணியே!..நீ -
கருவிலேயே விழித்துக்கொள்ளடி பாப்பா...
உலகத்தின் விதிமுறைகள் உன் காதுக்குள் விழும் முன்
உன்னை நீயே உருவாக்கிக்கொள்!..பாப்பா...

மனிதநேயம் மடிந்த மண்ணில் – உன்
மழலைக்கால்கள் படும் முன்...
மனங்களின் மணம் பற்றி உன்
மாசற்ற மனதில் விதைத்துக்கொள்!..பாப்பா. ..

அடிமைத்தனம்,அறியாமை பற்றி.,
ஆறுவயதிற்கு பின் அறியும் முன்...
அன்னையின் ஐந்திரு மாத கருவறையில் கற்று...
அதை அழிக்க தயாராகிக்கொள்..பாப்பா...

“மாதர் நம்மை இழிவு செய்யும்
மடமையை கொளுத்துவதோடு தூண்டும்
மனிதர்களையும் கொளுத்துவோம்” என்பதை
மனதில் பதித்துக்கொள்...பாப்பா...

“பெண் என்பவள் பிறந்துவிட்டால்,
பெருந்துன்பம் படுதல் வேண்டும்” என்று
பெரியோர்கள் சொன்னதை...
பேதை போல் இனியும் நெஞ்சில் பெறாதே!..பாப்பா...

by **சிவா** Thu Aug 19, 2010 6:19 pm

உங்களின் கருமந்திரம் பெண்களுக்கு திருமந்திரம்! கரு மந்திரம் 154550

"நன்றி அண்ணா!.."

by நவீன் Thu Aug 19, 2010 6:31 pm

by தமிழ் Thu Aug 19, 2010 6:39 pm

by முத்தியாலு மாதேஷ் Thu Aug 19, 2010 7:30 pm

வாழ்த்திய நண்பர்களுக்கு..நன்றிகள்..

by வினுப்ரியா Fri Dec 10, 2010 7:18 pm

பாரதியாரின் வரிகளை நினைவுறுத்துகிறது உங்கள் கவிதை.

பெண்மையை போற்றுகிறது
கருவிலிருக்கும் குழந்தைக்கும் கற்பிக்கும் மனித நேயம்
உங்களின் கற்பனைகள்ளையும் எண்ணங்களையும் மேலும்
சிறக்கச்செய்கிறது.
மிக மிக அழகான கருத்துச்செறிவு மிக்க கவிதை
பாராட்டுகள் சூர்யா!

வினுப்ரியா wrote:பாரதியாரின் வரிகளை நினைவுறுத்துகிறது உங்கள் கவிதை.

பெண்மையை போற்றுகிறது
கருவிலிருக்கும் குழந்தைக்கும் கற்பிக்கும் மனித நேயம்
உங்களின் கற்பனைகள்ளையும் எண்ணங்களையும் மேலும்
சிறக்கச்செய்கிறது.
மிக மிக அழகான கருத்துச்செறிவு மிக்க கவிதை
பாராட்டுகள் சூர்யா!

இக்காலத்தில் பாரதி இருந்தால் பெண்குழந்தைக்கு எப்படி
கவிதை எழுதி இருப்பார். என நினைத்து எழுதிய
கவிதை..பா..இது..

நன்றி..தங்கள்..வாழ்த்துக்கு...