Latest topics

சிறையிலிருந்து பெரியார் திக தலைவர் கொளத்தூர் மணி விடுதலை

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

சிறையிலிருந்து பெரியார் திக தலைவர் கொளத்தூர் மணி விடுதலை

Post by தமிழ் Wed Aug 18, 2010 4:08 pm

சென்னை சைதாபேட்டையில் கடந்த 13-ந் தேதி காஷ்மீர் மக்கள் பிரச்சினைக்காக அனுமதியின்றி ஆர்ப்பாட்டம் செய்த பெரியார் திராவிடர் கழக தலைவர் கொளத்தூர் மணி கைது செய்யப்பட்டார்.

ஆர்ப்பாட்டத்தில் ஈடுபட்ட கொளத்தூர் மணி உள்பட 46 பேர் வேலூர் சிறையிலும், 8 பெண்கள் புழல் சிறையிலும் அடைக்கப்பட்டனர்.

வேலூர் சிறையில் இருந்த கொளத்தூர் மணி உள்பட அனைவரும் இன்று நிபந்தனை ஜாமீனில் விடுவிக்கப்பட்டனர்.

வேலூர் சிறைவாசலில் கொளத்தூர் மணி நிருபர்களிடம் கூறியதாவது:-

காஷ்மீர் மக்களுக்கு ஆதரவாக சென்னை சைதாபேட்டையில் ஆர்ப்பாட்டம் செய்ய போலீசார் அனுமதி அளித்தனர்.

பின்னர் திடீரென அனுமதி மறுக்கப்பட்டது. இதனை மீறி ஆர்ப்பாட்டத்தில் ஈடுபட்டதால் கைது செய்யப்பட்டோம். தமிழக மீனவர்களுக்கு இந்திய அரசு மீது நம்பிக்கை போய்விட்டது. அதனால்தான் இலங்கை மீனவர்களுடன் ராமேசு வரத்தில் பேச்சு வார்த்தையில் ஈடுபட்டுள்ளனர்.

முதல்- அமைச்சர் கருணாநி இலங்கை தமிழர்களுக்கு நல்லது செய்தால் அதனை வரவேற்போம். சாதிவாரி கணக்கெடுப்பை அரசு உடனே நடத்த வேண்டும்.

மக்கள் போராட்டத்தினால் தான் இந்த கணக்கெடுப்பு நடைபெறும் என்றால் அதற்கான போராட்டம் நடைபெறும்.

இவ்வாறு அவர் கூறினார்.

பகலவனின் தோழி

பால் நிலவின் காலடியில் தேடுகிறேன்
பகலவனின் காலடி தடத்தை

தமிழ்: தளபதி; பதிவுகள் : 1153
இணைந்தது : 23/03/2010