Latest topics

பொய் வழக்கு போட்ட இன்ஸ்பெக்டர், எஸ்.ஐ.,க்கு போலீஸ் காவல்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

பொய் வழக்கு போட்ட இன்ஸ்பெக்டர், எஸ்.ஐ.,க்கு போலீஸ் காவல்

Post by நவீன் Tue Aug 17, 2010 6:16 pm

தூத்துக்குடி:

கேரளமாநிலம் கொல்லத்தைச் சேர்ந்தவர் அனுமோகன். இவர் 10.2.2006ல்
நண்பர்களுடன் காரில் நெல்லை பை-பாஸ் ரோட்டில் வந்துகொண்டிருந்தார். வாகன
சோதனையில் ஈடுபட்ட போதைப்பொருள் நுண்ணறிவு தடுப்புபிரிவு போலீசார்,
அக்காரில் 24 கிலோ கஞ்சா கடத்தியதாக அனுமோகன் உள்ளிட்ட மூவரை கைது செய்து
சிறையிலடைத்தனர். தங்கள் மீது பொய் வழக்கு போடப்பட்டுள்ளதாக, அனுமோகன்
மதுரை ஐகோர்ட் கிளையில் வழக்குத் தொடர்ந்தார். கோர்ட் உத்தரவுப்படி,
சி.பி.சி.ஐ.டி., போலீசார் விசாரித்ததில், அது பொய் வழக்கு என உறுதியானது.
அதையடுத்து, அந்த வழக்கு போட்ட விசாரணை அதிகாரி போதைப்பொருள் நுண்ணறிவு
தடுப்பு பிரிவு இன்ஸ்பெக்டர் காந்தி, எஸ்.ஐ.,ராஜமணிக்கம், ஏட்டு ஸ்டீபன்
லூயிஸ் செல்வராஜ் உள்ளிட்ட நால்வர் மீது சி.பி.சி.ஐ.டி., போலீசார்
வழக்குப்பதிவு செய்தனர். உடனடியாக, அவர்கள் சஸ்பெண்ட் செய்யப்பட்டனர்.
அவர்களில் இன்ஸ்பெக்டர் காந்தி, ஏட்டு ஸ்டீபன் லூயிஸ் செல்வராஜ் கடந்த 6ம்
தேதி கைது செய்யப்பட்டனர். எஸ்.ஐ.,ராஜமாணிக்கம் கோர்ட்டில் சரணடைந்தார்.
இந்நிலையில்,
இன்ஸ்பெக்டர் காந்தி, எஸ்.ஐ.,ராஜமாணிக்கம், ஏட்டு ஸ்டீபன் லூயிஸ்
செல்வராஜ் மற்றும் போலீஸ் இன்பார்மர் குமார் ஆகியோரை, நேற்று மாலை
சி.பி.சி.ஐ.டி., போலீசார் கோவில் பட்டி ஜே.எம்., 1 கோர்ட்டில்
ஆஜர்படுத்தினர். சி.பி.சி.ஐ.டி., போலீசார் தாக்கல் செய்த மனுவை
ஏற்றுக்கொண்ட நீதிபதி கவிதா, இன்ஸ்பெக்டர் உள்ளிட்ட நால்வரையும், 3
நாட்கள் போலீஸ் காவலில் எடுத்து விசாரிக்க அனுமதியளித்தார்.

நவீன்: வி.ஐ.பி; பதிவுகள் : 4665
இணைந்தது : 29/05/2009