பெண் எஸ்.ஐ.,யுடன் வாக்குவாதம் "மனித உரிமை ஆர்வலர்கள்' கைது

by நவீன் Tue Aug 17, 2010 6:12 pm

திருநெல்வேலி:

பெண் எஸ்.ஐ.,யை பணிசெய்யவிடாமல் தடுத்ததாக "மனித உரிமை
ஆர்வலர்கள்' மூன்று பெண்கள் உட்பட ஐந்து பேர் கைது செய்யப்பட்டனர்.
திருநெல்வேலி மாவட்டம் வீரவநல்லூரை அடுத்துள்ள கோட்டைவாசலைச் சேர்ந்த
சுரேஷ் என்பவர் மீது பல்வேறு வழக்குகள் உள்ளதால், அவரை போலீசார் குண்டர்
தடுப்பு சட்டத்தில் பாளையங்கோட்டை சிறையில் அடைத்தனர். நேற்று முன்தினம்
இரவில் வீரவநல்லூர் போலீஸ் ஸ்டேஷனுக்கு வந்த, மூன்று பெண்கள் உட்பட ஐந்து
பேர் அங்கு பணியில் இருந்த பெண் எஸ்.ஐ., ரோஸ்மினிடம் கைதான சுரேஷ் மீது
தொடரப்பட்ட வழக்கு விபரங்களை கேட்டுள்ளனர். தாங்கள் மனித உரிமை அமைப்பில்
இருந்து வருவதாக தெரிவித்தவர்களிடம், அதற்கான அடையாள அட்டைகளோ, வேறு எந்த
ஆவணங்களோ இல்லை. அதனால், விபரம் தெரிவிக்க முடியாது என எஸ்.ஐ., ரோஸ்மினி
தெரிவித்துள்ளார். இந்நிலையில், அவரை பணிசெய்யவிடாமல் தடுத்ததாக ரோஸ்லின்
புகாரின் பேரில் வீரவநல்லூர் போலீசார் "மனித உரிமை ஆர்வலர்கள்'
ஐந்துபேரையும் கைது செய்தனர். விசாரணையில், சிவகங்கை மாவட்டம்
திருப்புவனத்தை சேர்ந்த சாமிநாதன் மகன் ஞானதிரவியம்(40), மானாமதுரையை
சேர்ந்த பழனி மகன் கணேசன்(25), மதுரை சொக்கிகுளத்தை சேர்ந்த தாணு மகள்
பாரதி(26), கர்நாடக மாநிலத்தை சேர்ந்த தற்போது மதுரையில் வசிக்கும்
நிசார்பிரியா(25), கர்நாடக மாநிலத்தை சேர்ந்த சுதா(22) என
தெரியவந்துள்ளது. பெண்கள் மூவரும் நெல்லை கொக்கிரகுளம் மகளிர் சிறையில்
அடைக்கப்பட்டனர்.

by megastar Tue Aug 17, 2010 6:19 pm

பின்ன போலிஸ் கிட்ட மொறச்சா உள்ள போக வேண்டியதுதான்

பெண் எஸ்.ஐ.,யுடன் வாக்குவாதம் "மனித உரிமை ஆர்வலர்கள்' கைது

பெண் எஸ்.ஐ.,யுடன் வாக்குவாதம் "மனித உரிமை ஆர்வலர்கள்' கைது

Re: பெண் எஸ்.ஐ.,யுடன் வாக்குவாதம் "மனித உரிமை ஆர்வலர்கள்' கைது