Latest topics

தெலுங்கானா துரோகி விஜயசாந்தி-தெலுங்கு தேச எம்.எல்.ஏ

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

தெலுங்கானா துரோகி விஜயசாந்தி-தெலுங்கு தேச எம்.எல்.ஏ

Post by ரபீக் Sun Aug 15, 2010 10:38 am

சினிமாவில் நடித்த போது லேடி சூப்பர் ஸ்டார் என்று பட்டப் பெயரோடு வலம் வந்தவர் விஜயசாந்தி. அரசியலுக்கு வந்த பிறகு அவருக்குக் கிடைத்திருக்கும் பட்டம் 'தெலுங்கானா துரோகி'!

தெலுங்கு தேசம் கட்சியைச் சேர்ந்த பெண் எம்.எல்.ஏ. சீதக்கா, விஜயசாந்தியை தெலுங்கானா துரோகி என்று கூறியுள்ளார்.

ஹைதராபாதில் நிருபர்களிடம் பேசிய சீதக்கா விஜயசாந்தியை காய்ச்சித் தள்ளிவிட்டார். அவர் கூறியது:

தெலுங்கானா கட்சி எம்.பி.யான நடிகை விஜயசாந்தி சமீபகாலமாக தன்னை தெலுங்கானா பெண் என்று கூறிக் கொள்கிறார். உண்மையில் அவர் கடலோர ஆந்திராவைச் சேர்ந்தவர்.

தெலுங்கானா பகுதியில் அரசியல் நடத்த வேண்டும் என்பதற்காகவே தன்னை தெலுங்கானா பெண் என்று பொய் பிரசாரம் செய்து வருகிறார்.

விஜயசாந்தியை நியாயமாக தெலுங்கானா துரோகி என்றுதான் அழைக்க வேண்டும். சினிமாவில் வேஷம் போட்டது போல அரசியலிலும் பல வேஷங்கள் போட்டு வருகிறார். ஆனால் அவை ஒன்றும் எடுபடவில்லை.

அவரும் அவரது கட்சியினரும் மக்களை ஏமாற்றம் வகையில்தான் போராடி வருகிறார்கள். தனி மாநிலம் அமைப்பதற்கான முயற்சியில் அவர்கள் இறங்கவில்லை. இது எங்களுக்கு நன்றாக தெரியும். விரைவில் தெலுங்கானா மக்களும் இதை புரிந்து கொள்வார்கள்..." என்றார்.

நன்றி :தட்ஸ்தமிழ்

"நீங்கள் பேசினால் நல்லதைப் பேசுங்கள். அல்லது அமைதியாக இருந்து விடுங்கள்" - நபி (ஸல்)

ரபீக்: வழிநடத்துனர்; பதிவுகள் : 15128
இணைந்தது : 07/04/2010