Latest topics

அரசு பஸ் டிரைவர் அலட்சியம் : கண்டக்டர் மகன் பரிதாப சாவு

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

அரசு பஸ் டிரைவர் அலட்சியம் : கண்டக்டர் மகன் பரிதாப சாவு

Post by நவீன் Wed Aug 11, 2010 8:58 am

திருநெல்வேலி :

அரசு பஸ் டிரைவரின் அலட்சியத்தால், பஸ் கண்டக்டரின்
மகன் பலியானார். திருநெல்வேலி-நாகர்கோவில் சாலையில் டக்கரம்மாள்புரத்தில்
அரசு போக்குவரத்து நிறுவனத்தின் ஐ.ஆர்.டி.,பாலிடெக்னிக் உள்ளது. இதில்
படிக்கும் 540 மாணவர்களில் பெரும்பாலானோர் அரசு போக்குவரத்து
நிறுவனங்களில் பணியாற்றும் டிரைவர், கண்டக்டர், ஊழியர்களின் வாரிசுகளே.
அவர்களில் பலர் தினமும் பஸ்சில் பாலிடெக்னிக்கிற்கு வருகின்றனர். ஆனாலும்
பாலிடெக்னிக் முன் பஸ் நிறுத்தம் கிடையாது. நேற்று காலையில் நெல்லையில்
இருந்து திசையன்விளை சென்ற அரசு பஸ்சில் பாலிடெக்னிக் மாணவர்கள் வந்தனர்.
பாலிடெக்னிக்கை கடந்து அரசு பஸ் நிற்காமல் சென்றது. மாணவர்கள்
சத்தம்போட்டு நிறுத்துமாறு கூறினர். பஸ் நிற்காததால் மாணவர்கள்
குதித்தனர். முன்புற வாசலில் குதித்த மாணவன் அருண்குமார்(19), தவறி
பஸ்சுக்குள் விழுந்தான். இதில், பலத்த காயமுற்ற அவன் சிகிச்சைக்கு
கொண்டுசெல்லும் வழியில் இறந்தான். அவனது தந்தை இசக்கிமுத்து, அரசு பஸ்
கண்டக்டர் ஆவார். அருண்குமாருடன் பஸ்சிஸ் இருந்து குதித்த மேலும் இரு
மாணவர்கள் லேசான காயத்துடன் தப்பினர். அருண்குமார் பலியானதை கண்டித்து
பாலிடெக்னிக் முன்அமர்ந்து மாணவர்கள் மறியலில் ஈடுபட்டனர். அதிகாரிகள்
வந்து பேச்சுவார்த்தையில் ஈடுபட்டனர். விபத்து ஏற்படுத்திய அரசு பஸ்
டிரைவர் கணேசன் கைது செய்யப்பட்டார்.

நவீன்: வி.ஐ.பி; பதிவுகள் : 4665
இணைந்தது : 29/05/2009