கரும்பு தின்னும் கல் யானை; வேதம் ஓதும் வெள்ளை யானை!

by **சிவா** Fri Jul 24, 2009 10:05 pm

மதுரை: ஆங்கிலேயர் ஆட்சி காலத்தில் மதுரை & தேனி இடையே சாலை அமைக்கும் பணி நடந்தது. அந்த சாலை கருமாத்தூர் ஒச்சாண்டம்மன் கோயில் வழியாக செல்லும்படி திட்டமிடப்பட்டது. இதற்கு கருமாத்தூர் மற்றும் அதனை சுற்றியுள்ள கிராம மக்கள் எதிர்ப்பு தெரிவித்து கோயில் முன்பு குவிந்தனர். அங்கு வந்த ஆங்கிலேய அதிகாரி கோயிலை அகற்றி விட்டு சாலை பணியை தொடங்க உத்தரவிட்டார். பணியாட்களும் கோயில் முன்பிருந்த கல் யானையை அகற்ற முயன்றனர். ஆனால், முடியவில்லை. அப்போது ஊர் மக்கள், ‘இந்த யானையை அகற்ற முடியாது. எங்கள் கோயில் கல் யானை கரும்பு தின்னும்; வெள்ளை யானை வேதம் ஓதும்’ என்றனர். வாய்விட்டு சிரித்த ஆங்கிலேய அதிகாரி, ‘இதெல்லாம் நடக்காது’ என சவால் விட்டார். உடனே கல் யானையின் சிலையை சுற்றி திரையிடப்பட்டு, கட்டுக்கட்டாக கரும்பு போடப்பட்டது.

சிறிது நேரம் கழித்து திரையை விலக்கியபோது கரும்பு வெறும் சக்கையாக கிடந்துள்ளது. அத்துடன் அந்த ஆங்கிலேய அதிகாரியும் அந்த இடத்திலேயே சுருண்டு விழுந்துள்ளார். நோய்வாய்ப்பட்ட அவர், ஒச்சாண்டம்மனை மனமுருக வேண்டினார்.

இதனை தொடர்ந்து வெள்ளை யானை வேதம் ஓதியதையடுத்து அந்த ஆங்கிலேய அதிகாரி குணமடைந்ததாக சொல்கிறார்கள். இதன் பின்னரே அமைக்கப் படவிருந்த சாலை, கோயிலுக்கு பாதிப்பு இல்லாமல் மாற்றுப்பாதையில் போடப்பட்டது. இன்றும் மதுரை & தேனி சாலையில் கருமாத்தூர் நுழையும் இடத்தில், மிகப்பெரிய வளைவை காணலாம்.

by ஈழமகன் Fri Jul 24, 2009 10:13 pm

மிகவும் ஆச்சரியம் எனக்கு இது போன்ற கதைகள் கேட்க ஆசை சிவா அண்ணா. பிரமிப்பூட்டும் கதைகள் தங்களன்.

சிவாஅண்ணா நான் தமிழில் எழுத http://www.higopi.com/ucedit/Tamil.html பாவிக்கிரேன் ஆனா ஒரு எழுத்து எங்க இருக்கு என்டு கண்டு பிடிக்க முடியல
இளை‍ ‍ன் (elangan) இந்த இடைவெளியில் வாற எழுத்துத்தான்

by **சிவா** Fri Jul 24, 2009 10:15 pm

ஞ = nja

by **சிவா** Fri Jul 24, 2009 10:17 pm

http://ezilnila.thivyan.com/wp-content/uploads/ekalappai20b_anjal.exe

இச்செயலி மூலம் அஞ்சல் விசைப்பலகை கொண்டு Unicode, TSCII குறியீட்டில் தமிழை ‘விண்டோஸ் இயங்குதள செயலிகளில் தட்டச்சு செய்ய முடியும்.

இன்னும் மிக எளிதாக இருக்கும் ஈழமகன்

by ஈழமகன் Fri Jul 24, 2009 10:26 pm

சிவா wrote:http://ezilnila.thivyan.com/wp-content/uploads/ekalappai20b_anjal.exe

இச்செயலி மூலம் அஞ்சல் விசைப்பலகை கொண்டு Unicode, TSCII குறியீட்டில் தமிழை ‘விண்டோஸ் இயங்குதள செயலிகளில் தட்டச்சு செய்ய முடியும்.

இன்னும் மிக எளிதாக இருக்கும் ஈழமகன்

இளைஞனே நன்றி

by kirupairajah Fri Jul 24, 2009 10:32 pm

இது போல் இங்கேயும் ஓர் கதை இருக்கிறது.
கொக்கட்டிச்சோலை தாந்தொன்றிஸ்வரம் என ஓர் கோவில் இருக்கிறது. அதை இடிப்பதற்கு வெள்ளைக்காரன் சென்றபோது அந்த ஆலய குரு தடுத்தாராம் ஏனெனில் அங்கே இருப்பது இயற்கையாக தோன்றிய லிங்கமாம்.
அங்கேயுள்ள நந்தியை பார்த்து வெள்ளைக்காரன் கல்னென ஏழனம் செய்தபோது, ஆலய குரு வேப்பிலையை எடுத்து "கந்தா இந்தா" என சொன்னபோது நந்தி எழும்பி வந்து வேப்பிலையை சாப்பிட்டு சாணமும் போட்டதாம் அது இப்போதும் அங்கே உள்ளதாம். உடனே வெள்ளைக்காரன் ஓடி விட்டானாம்

by **சிவா** Fri Jul 24, 2009 10:52 pm

ஆஹா, அருமையான திரி ஆரம்பம். உங்களுக்கு தெரிந்த இதுபோன்ற சம்பவங்களை இங்கு எழுதுங்கள் நண்பர்களே!

by **ராஜா** Sat Jul 25, 2009 2:30 pm

kirupairajah wrote:இது போல் இங்கேயும் ஓர் கதை இருக்கிறது.
கொக்கட்டிச்சோலை தாந்தொன்றிஸ்வரம் என ஓர் கோவில் இருக்கிறது. அதை இடிப்பதற்கு வெள்ளைக்காரன் சென்றபோது அந்த ஆலய குரு தடுத்தாராம் ஏனெனில் அங்கே இருப்பது இயற்கையாக தோன்றிய லிங்கமாம்.
அங்கேயுள்ள நந்தியை பார்த்து வெள்ளைக்காரன் கல்னென ஏழனம் செய்தபோது, ஆலய குரு வேப்பிலையை எடுத்து "கந்தா இந்தா" என சொன்னபோது நந்தி எழும்பி வந்து வேப்பிலையை சாப்பிட்டு சாணமும் போட்டதாம் அது இப்போதும் அங்கே உள்ளதாம். உடனே வெள்ளைக்காரன் ஓடி விட்டானாம்

ஆமாம் நானும் இதை கேள்விபட்டுருக்கிறேன் , எனது கூட வேலை செய்யும் மட்டகளப்பு நண்பர் சொன்னது