கைதிகளை முன்கூட்டியே விடுதலை செய்ய லஞ்சம்: ஆளுநரிடம் முன்னாள் நீதிபதி பரபரப்பு புகார்

by நவீன் Sat Aug 07, 2010 3:46 pm

பெங்களூர்,

தண்டனை காலம் முடியும் முன்பே கைதிகளை சுதந்திர தினத்தையொட்டி விடுதலை
செய்ய லஞ்சம் பெறப்பட்டுள்ளது என்று ஆளுநர் எச்.ஆர்.பரத்வாஜிடம் முன்னாள்
நீதிபதி மைக்கேல் சல்தானா புகார் அளித்துள்ளார். பெர்லினை
தலைமையிடமாகக் கொண்டு செயல்படும் டிரான்ஸ்பரன்ஸி இன்டர்நேஷனல் அமைப்பின்
பெங்களூர் கிளை தலைவராக உள்ளார் சல்தானா. அவர் ஆளுநர் பரத்வாஜை சந்தித்து
புகார் மனு ஒன்றை அளித்துள்ளார்.அந்த மனுவில் அவர்
கூறியிருப்பதாவது: குடியரசு தினம், சதந்திர தினத்தையொட்டி நன்நடத்தை,
வயோதிகம், கொடிய நோய் ஆகிவை காரணமாக தண்டனை காலம் முடியும் முன்பே சில
கைதிகளை அரசு விடுதலை செய்து வருகிறது. இவ்வாறு அரசு விடுதலை செய்ய கோரும்
கைதிகளின் பட்டியலை ஆளுநருக்கு அனுப்பி வைக்கப்பட்டு அவரது ஒப்புதலைப்
பெற்று அரசு பரிந்துரைத்துள்ள கைதிகள் விடுதலை செய்யப்படுவர். அண்மையிóல
மாநில அரசு இதுபோல் ஒரு பரிந்துரை கடிதத்தை உங்களுக்கு (ஆளுநர் பரத்வாஜ்)
அனுப்பிவைத்துள்ளது. அதில் கர்நாடகத்தின் பல்வேறு சிறைச்சாலைகளில்
அடைக்கப்பட்டிருக்கும் 594 கைதிகளை விடுதலை செய்ய ஒப்புதல்
கோரப்பட்டிருந்தது. நல்ல வேளையாக இந்த பரிந்துரைக்கு நீங்கள் இன்னும்
ஒப்புதல் அளிக்கவில்லை. இவ்வாறு கைதிகளை முன்கூட்டியே விடுதலை செய்ய
பரிந்துரைப்பதில் பெரிய அளவில் முறைகேடு நடந்துள்ளது.அரசு
பரிந்துரை செய்துள்ள பட்டியலில் இடம் பெற்றுள்ள கைதிகளில் சிலர் பெரும்
குற்றங்களை புரிந்துள்ளவர்கள் சமுதாய நலனுக்கு எதிரானவர்கள். இவர்களை
முன்கூட்டியே விடுதலை செய்ய பெரும் தொகை கைமாறப்பட்டுள்ளது. இந்த தொகையை
குறிப்பிட்ட நபர்கள் விதானசெüதாவில் வைத்து அதிகாரிகளிடம் கொடுத்துள்ளனர்.
ஒரு கைதியை முன்கூட்டியே விடுதலை செய்ய ரூ.5 லட்சம் முதல் ரூ.1 கோடி வரை
பேரம் பேசப்பட்டுள்ளது. இந்த வகையில் கைதிகளை விடுதலை செய்ய ரூ.200 கோடி
வரை பணம் லஞ்சமாகப் பெறப்பட்டுள்ளதாக தகவல் கிடைத்துள்ளது. மேலும் இவ்வாறு
பணம் கொடுத்ததை சம்பந்தப்பட்ட கைதிகளின் உறவினர்களே எனக்குத் தகவல்
கொடுóதுள்ளனர். சுதந்திர தினத்தையொட்டி கைதிகளை முன்கூட்டியே விடுதலை
செய்வது பல ஆண்டுகளாக நடந்து வருகிறது. ஆனால் அந்த சமயத்திலும் ஏழை
கைதிகள் விடுதலை செய்யப்படுவதில்லை. அவர்கள் தண்டனைக் காலம் முழுவதும்
சிறையிலேயே வாடிக்கிடக்கிறார்கள். அவர்களை முன்கூட்டியே விடுதலை
செய்ய யாரும் பரிந்துரைப்பது இல்லை. ஆனால் பெரிய கிரிமினல் சம்பவங்களில்
தொடர்புடையோர் விடுதலை செய்யப்பட்டு விடுகிறார்கள். எனவே இதுகுறித்து
முழுமையான அளவில் விசாரணை நடத்த வேண்டும் என்று அந்த மனுவில்
குறிப்பிடப்பட்டுள்ளது.