அனன்யா மீது இயக்குனர் புகார்

by **சிவா** Thu Jul 23, 2009 4:54 pm

சென்னை : ‘மைனா’ படத்திலிருந்து திடீரென விலகி, பல லட்சம் நஷ்டம் ஏற்படுத்திவிட்டதாக அனன்யா மீது புகார் கூறியுள்ளார் இயக்குனர் பிரபு சாலமன். இது குறித்து பிரபு சாலமன் கூறியதாவது:அனன்யாவுக்கு ரூ. 4 லட்சம் சம்பளம் பேசி, 50 ஆயிரம் ரூபாய் அட்வான்ஸ் கொடுத்தேன். ஜூலை 10&ம் தேதி முதல் ஆகஸ்ட் 22&ம் தேதி வரை கால்ஷீட் தந்தார். அக்ரிமென்ட்டில் கையெழுத்தும் போட்டார்.

மூணாறு, இடுக்கி, குரங்கனி ஆகிய காட்டுப் பகுதிகளில் ஷ¨ட்டிங் நடத்த லொக்கேஷன் தேர்வு செய்தேன்.இதற்காக ஒரு பஸ்சை விலைக்கு வாங்கியிருந்தேன். ஷ¨ட்டிங்கிற்கான எல்லா ஏற்பாடுகளும் நடந்த நேரத்தில், திடீரென்று அனன்யா நடிக்க மறுத்தார். காரணம் கேட்டபோது, மலையாளத்தில் திலீப் படத்தில் நடிப்பதாக கூறுகிறார்.

அவரது செயலால் ஷ¨ட்டிங் நின்றிருக்கிறது. பல லட்சம் நஷ்டம் ஏற்பட்டுள்ளது. தமிழில் இப்போதுதான் அனன்யா அறிமுகம் ஆகிறார். அதற்குள் பொறுப்பில்லாமல் இப்படி நடப்பது ஏன் எனப் புரியவில்லை. இவ்வாறு பிரபு சாலமன் கூறினார்.