மனைவி கொலை வழக்கு: விவசாயிக்கு ஆயுள் சிறை

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

மனைவி கொலை வழக்கு: விவசாயிக்கு ஆயுள் சிறை

Post by நவீன் Sat Aug 07, 2010 2:06 pm

தருமபுரி,

தருமபுரி அருகேயுள்ள மதிகோன்பாளையம், பெரியமல்லிப்பட்டியைச் சேர்ந்தவர்
வேடியப்பன் (40). இவருக்கும், தருமபுரி அருகேயுள்ள வால்நாதன்கொட்டாயைச்
சேர்ந்த முருகாயி மகள் செல்விக்கும் கடந்த 18 ஆண்டுகளுக்கு முன்னர்
திருமணம் நடந்துள்ளது. இவர்களுக்கு 2 மகள், 1 மகன் உள்ளனர். திருமணத்தின்போது
வேடியப்பனுக்கு வரதட்சிணையாக, செல்வியின் தாயார் முருகாயி தனக்கு சொந்தமான
2 ஏக்கர் நிலத்தை விற்று கிரேன் வாங்கி தந்தாராம். அதன் பின்னரும்,
கூடுதலாக நகை மற்றும் பணம் வாங்கி வரச்சொல்லி வேடியப்பன், செல்வியை
துன்புறுத்தி வந்ததாகக் கூறப்படுகிறது. இந்நிலையில் கடந்த
16.2.2005-ல் வரதட்சிணை தொடர்பாக செல்விக்கும், வேடியப்பனுக்கும் இடையே
ஏற்பட்ட தகராறில் வேடியப்பன், செல்வியை அரிவாளால் வெட்டி கொலை செய்தாராம்.
இது குறித்து முருகாயி அளித்த புகாரின் பேரில் மதிகோன்பாளையம் போலீஸôர்
வழக்குப் பதிவு செய்து வேடியப்பனை கைது செய்தனர்.இவ்வழக்கு விசாரணை
தருமபுரி விரைவு நீதிமன்றத்தில் நடந்துவந்தது. இவ்வழக்கை விசாரித்த விரைவு
நீதிமன்ற நீதிபதி பத்மநாபன், குற்றம் சாட்டப்பட்ட வேடியப்பனுக்கு ஆயுள்
தண்டனை மற்றும் ரூ.2 ஆயிரம் அபராதம் விதித்து தீர்ப்பளித்தார்.
இவ்வழக்கில் அரசு தரப்பில் வழக்கறிஞர் கருணாநிதி ஆஜரானார்.

நவீன்: வி.ஐ.பி; பதிவுகள் : 4665
இணைந்தது : 29/05/2009