இந்தியா-ஆஸி.,கிரிக்கெட்: முதல் டெஸ்ட் டிராவில் முடிந்தது

by **சிவா** Mon Oct 13, 2008 10:55 pm

ஆஸ்திரேலியாவிற்கு எதிரான முதல் கிரிக்கெட் டெஸ்ட் போட்டி டிராவில் முடிந்தது. 5ம் நாளான இன்று இந்தியா 2வது இன்னிங்சில் 4 விக்கெட் இழப்பிற்கு 177 ரன்கள் எடுத்திருந்த நிலையில் ஆட்டம் முடித்துக் கொள்ளப்பட்டது. முன்னதாக விளையாடிய ஆஸ்திரேலிய அணி 6 விக்கெட் இழப்பிற்கு 228 ரன்கள் எடுத்த நிலையை ஆட்டத்தை டிக்ளர் செய்வதாக அறிவித்தது. இதன் மூலம் ஆஸ்திரேலிய அணி இந்திய அணிக்கு 299 ரன்கள் இலக்கு நிர்ணயித்திருந்தது. முதல் இன்னிங்ஸில் இந்தியா-360, ஆஸ்திரேலியா- 430

by **சிவா** Mon Oct 13, 2008 10:56 pm

சர்வதேச கோப் ரேங்கிங் பட்டியலில் இந்திய வீரர் ஜீவ் மில்கா சிங் மூன்று இடங்கள் முன்னேறி 55வது இடம் பிடித்தார். சமீபத்தில் நடந்த இந்தியன் ஓபன் கோல்ப் தொடரில் 4வது இடம் பிடித்ததே இதற்கு காரணம். ஆசிய அளவில் ஜீவ் மில்கா சிங் இரண்டாவது இடம் பிடித்துள்ளார். மற்றொரு இந்திய வீரர் ஜோதி ரந்தவா 11 இடங்கள் பின்தங்கி 126வது இடத்திற்கு பின்தள்ளப்பட்டார். மற்ற இந்திய வீரர்களான அர்ஜுன் அட்வால்(230வது), எஸ்.எஸ்.பி. சவுரசியா(286வது) இடங்களை பெற்றனர். முதலிடத்தை அமெரிக்காவின் டைகர் உட்ஸ் தக்க வைத்துக்கொண்டார்.

by **சிவா** Mon Oct 13, 2008 10:57 pm

பாகிஸ்தான், இலங்கை, ஜிம்பாப்வே, கனடா உள்ளிட்ட நான்கு நாடுகள் மோதும் சர்வதேச "டுவென்டி20' தொடர் நடக்கிறது. லீக் சுற்றில் முதலில் பேட் செய்த ஜிம்பாப்வே அணி 20 ஓவரில் 8 விக்கெட் இழப்புக்கு 107 ரன்கள் எடுத்தது. ஜிம்பாப்வே அணியின் துவக்க வீரர் மசகட்சா 38 பந்தில் 3 சிக்சர், 5 பவுண்டரி உட்பட 53 ரன்கள் எடுத்து அணியின் ஸ்கோரை உயர்த்தினார். பாகிஸ்தான் சார்பில் பவாத் அலாம் 3 விக்கெட் வீழ்த்தினார். எளிய இலக்கை சேஸ் செய்த பாகிஸ்தான் அணி 19 ஓவரில் 3 விக்கெட் இழப்புக்கு 110 ரன்கள் எடுத்து 7 விக்கெட் வித்தியாசத்தில் வெற்றி பெற்றது. பாகிஸ்தான் அணியின் துவக்க வீரர் சோகிப் கான் 50 ரன்கள் எடுத்து வெற்றிக்கு கைகொடுத்தார். ஜிம்பாப்வே அணியின் போபு 3 விக்கெட் வீழ்த்தினார். இங்கு நடந்த மற்றொரு போட்டியில் முதலில் பேட் செய்த இலங்கை 20 ஓவரில் 7 விக்கெட் இழப்புக்கு 153 ரன்கள் எடுத்தது. இலங்கை அணியின் கேப்டன் ஜெயவர்த்தனா 35 ரன்கள் எடுத்தார். கனடா அணி சார்பில் பாலாஜி ராவ் 3 விக்கெட் வீழ்த்தினார். பின்னர் களமிறங்கிய கனடா அணி 20 ஓவரில் 138 ரன்களுக்கு "ஆல்அவுட்' ஆகி 15 ரன்கள் வித்தியாசத்தில் தோல்வி அடைந்தது. ஜிம்பாப்வே அணியின் துவக்க வீரர் ரிஸ்வான் சீமா 68 ரன்கள் எடுத்தார். இலங்கை சார்பில் அஜந்தா மெண்டிஸ் 4, பெர்ணான்டோ 3 விக்கெட் வீழ்த்தினர். இதன்மூலம் பைனலில் பாகிஸ்தான் மற்றும் இலங்கை அணிகள் மோதுகின்றன. 3வது மற்றும் 4வது இடத்திற்கான போட்டியில் கனடாஜிம்பாப்வே அணிகள் மோதுகின்றன.

by **சிவா** Mon Oct 13, 2008 10:58 pm

ஆண்களுக்கான டென்னிஸ் ரேங்கிங் பட்டியலை ஏ.டி.பி., இன்று வெளியிட்டது. இதில் இரட்டையர் பிரிவில் இந்தியாவின் மகேஷ் பூபதி ஒரு இடம் முன்னேறி 11வது இடம் பிடித்தார். மற்றொரு இந்திய வீரர் லியாண்டர் பயஸ் ஒரு இடம் பின்தங்கி 7வது இடம் பிடித்தார். இந்திய வீரர் ரோகன் போபண்ணா 10 இடங்கள் பின்தங்கி 81வது இடத்திற்கு பின்தள்ளப்பட்டார். ஆண்களுக்கான ஒற்றையர் பிரிவில் ஸ்பெயின் வீரர் ரபெல் நடால் மற்றும் சுவிட்சர்லாந்தின் ரோஜர் பெடரர் தொடர்ந்து முதல் இரண்டு இடங்களை தக்க வைத்துக்கொண்டனர். பெண்களுக்கான டபிள்யு.டி.ஏ., டென்னிஸ் ரேங்கிங்கில் இந்திய வீராங்கனை சானியா மிர்சா ஒற்றையர் பிரிவில் 98வது இடத்தை தக்க வைத்துக் கொண்டார். இரட்டையர் பிரிவில் 12 இடங்கள் பின்தங்கி 56வது இடம் பிடித்தார். பெண்களுக்கான ஒற்றையர் பிரிவில் செர்பியாவின் ஜெலினா ஜான்கோவிச் தொடர்ந்து முதல் இடத்தில் உள்ளார். அமெரிக்காவின் செரினா வில்லியம்ஸ் ஒரு இடம் பின்தங்கி 3வது இடத்தையும், வீனஸ் வில்லியம்ஸ் ஒரு இடம் பின்தங்கி 9வது இடத்தையும் பிடித்தனர். ரஷ்யாவின் டினரா சபினா ஒரு இடம் முன்னேறி இரண்டாவது இடம் பிடித்தார். செர்பியாவின் அனா இவானோவிச் ஒரு இடம் முன்னேறி 4வது இடம் பிடித்தார். ரஷ்ய வீராங்கனை எலினா டெமன்டிவா ஒரு இடம் பின்தங்கி 5வது இடம் பிடித்தார்.

by **சிவா** Mon Oct 13, 2008 10:59 pm

வங்கதேசத்திற்கு சுற்றுப்பயணம் மேற்கொண்டுள்ள டேனியல் வெட்டோரி தலைமையிலான நியூசிலாந்து அணி 3 போட்டிகள் கொண்ட ஒருநாள் மற்றும் 2 போட்டிகள் கொண்ட டெஸ்ட் தொடரில் விளையாடி வருகிறது. இவ்விரு அணிகள் மோதிய முதல் போட்டியில் வங்கதேச அணியும், இரண்டாவது போட்டியில் நியூசிலாந்து அணியும் வெற்றி பெற்று 11 என சமநிலையில் உள்ளது. இந்நிலையில் நாளை நடக்கும் 3வது மற்றும் கடைசி ஒருநாள் போட்டி சிட்டகாங்கில் நடக்கிறது. இதில் வெற்றி பெறும் அணி தொடரை கைப்பற்றும் என்பதால் இரு அணி வீரர்களும் தீவிர பயிற்சி மேற்கொண்டு வருகின்றனர்.

by Sponsored content

இந்தியா-ஆஸி.,கிரிக்கெட்: முதல் டெஸ்ட் டிராவில் முடிந்தது

இந்தியா-ஆஸி.,கிரிக்கெட்: முதல் டெஸ்ட் டிராவில் முடிந்தது

கோல்ப் ரேங்கிங்: இந்தியாவின் ஜீவ் மில்கா சிங் 55வது இடத்திற்கு முன்னேற்றம்

கனடா டுவென்டி20 : பைனலில் பாகிஸ்தான்- இலங்கை அணிகள் மோதல்

டென்னிஸ் ரேங்கிங்: இந்தியாவின் மகேஷ் பூபதி முன்னேற்றம்

கிரிக்கெட்: நியூசிலாந்து, வங்கதேசம் கடைசி ஒருநாள் நாளை மோதல்

Re: இந்தியா-ஆஸி.,கிரிக்கெட்: முதல் டெஸ்ட் டிராவில் முடிந்தது