அதிமுகவில் இருந்த முன்னாள் அமைச்சர்கள், எம்.எல்.ஏ.க்கள் திமுகவுக்கு தானாக வருகின்றனர்: மு.க.ஸ்டாலின்

மக்களுக்கு நன்மை தரும் திட்டங்கள் செயல்படுத்துவதைப் பார்க்கும் அதிமுக முன்னாள் அமைச்சர்கள், எம்.எல்.ஏ.க்கள் திமுகவுக்கு தானாக வருகின்றனர் என்று மு.க.ஸ்டாலின் கூறியுள்ளார்.
கோவையில் திங்கள்கிழமை இரவு நடைபெற்ற திமுக பொதுக்கூட்டத்தில் அவர் பேசியது:

தமிழகத்தில் 5-வது முறையாக முதல்வராகப் பதவியேற்றுள்ள முதல்வர் கருணாநிதி, தேர்தல் வாக்குறுதிகளை முழுமையாக நிறைவேற்றியுள்ளார். சொன்ன திட்டங்கள் மட்டுமன்றி, சொல்லாத திட்டங்களும் நிறைவேற்றப்பட்டு வருகின்றன.

தேர்தல் நேரத்தில் ரூ. 2-க்கு ஒரு கிலோ அரிசி வழங்கப்படும் என்று திமுக அறிவித்தபோது, அது முடியாது என்றார் அதிமுக பொதுச்செயலர் ஜெயலலிதா. ஆனால், இப்போது ரூ. 1-க்கு ஒரு கிலோ அரிசி வழங்கப்பட்டு வருகிறது.

இலவச கலர் டிவி திட்டம், கலைஞர் மருத்துவக் காப்பீடு திட்டம், ஏழைகளுக்கு கான்கிரீட் வீடுகள் கட்டித்தர கலைஞர் வீட்டு வசதி திட்டம் என பல்வேறு திட்டங்கள் செயல்படுத்தப்பட்டு வருகின்றன.

இதுபோன்ற மக்களுக்கு நன்மை தரும் திட்டங்கள் செயல்படுத்துவதைப் பார்க்கும், அதிமுகவில் இருந்த முன்னாள் அமைச்சர்கள், எம்.எல்.ஏ.க்கள் திமுகவுக்கு தானாக வருகின்றனர். அண்மையில் தில்லி சென்றிருந்தபோது, தமிழ்நாட்டில் செயல்படுத்தப்படும் திட்டங்களைப் பார்த்து பிற மாநில முதல்வர்கள் வியப்பு தெரிவித்தனர். இத்தனை திட்டங்களையும் எப்படி செயல்படுத்த முடிகிறது என்று ஆச்சரியத்துடன் கேள்வி எழுப்பினர். கூட்டுறவு வங்கிகளில் விவசாயிகள் செலுத்த வேண்டிய ரூ. 7 ஆயிரம் கோடி கடனை ரத்து செய்தது திமுக ஆட்சிதான். அதில் அதிமுகவினர்தான் அதிக அளவில் பயன்பெற்றுள்ளனர்.

1989-ல் திமுக ஆட்சியில் ஏழைப் பெண்களின் திருமண உதவித் திட்டத்தின்கீழ் பயனாளிகளுக்கு ரூ. 5 ஆயிரம் வழங்கப்பட்டது. பின்னர் வந்த அதிமுக ஆட்சியில் இத் திட்டம் நிறுத்தப்பட்டது. 1996-ல் கருணாநிதி மீண்டும் முதல்வராக பொறுப்பேற்றப்பின் பயனாளிகளுக்கு வழங்கும் தொகை ரூ. 10 ஆயிரமாக உயர்த்தப்பட்டது. மீண்டும் 2001-ல் அதிமுக ஆட்சியில் இத் திட்டம் நிறுத்தப்பட்டது. ஆனால், 2006-ல் திமுக ஆட்சிக்கு வந்தபின் இத் திட்டத்தின் பயனாளிகளுக்கு ரூ. 15 ஆயிரம் வழங்கப்பட்டது. இப்போது ரூ. 25 ஆயிரம் வழங்கப்பட்டு வருகிறது.

கலைஞர் வீட்டுவசதி திட்டத்தின்கீழ் அடுத்து வரும் 6 ஆண்டுகளுக்குள் 21 லட்சம் கான்கிரீட் வீடுகள் கட்டித்தரப்படும் என அறிவிக்கப்பட்டது. இப்போது முதல்கட்டமாக நடப்பாண்டில் 3 லட்சம் வீடுகள் கட்ட ரூ. 1,080 கோடி ஒதுக்கப்பட்டுள்ளது.

மக்களுக்கு பயன்தரும் திட்டங்களை செயல்படுத்தும் திமுக ஆட்சிக்கு மக்கள் தொடர்ந்து ஆதரவு தர வேண்டும் என்றார்.

தேர்தல் வரப்போகுதுங்கறதால இது எல்லாம் நடக்குதோ?

ஒவ்வோரு தலைக்கும் எவ்வளவு கொடுத்தீங்க தளபதியாரே ?

செந்தில் wrote:ஒவ்வோரு தலைக்கும் எவ்வளவு கொடுத்தீங்க தளபதியாரே ?

எதுவும் உல்குத்து இல்ல‌யே ?

ரபீக் wrote:

செந்தில் wrote:ஒவ்வோரு தலைக்கும் எவ்வளவு கொடுத்தீங்க தளபதியாரே ?

எதுவும் உல்குத்து இல்ல‌யே ?

ஹா..ஹா..........வெரி கிளவர் ஃபெல்லோ

செந்தில் wrote:

ரபீக் wrote:

செந்தில் wrote:ஒவ்வோரு தலைக்கும் எவ்வளவு கொடுத்தீங்க தளபதியாரே ?

எதுவும் உல்குத்து இல்ல‌யே ?

ஹா..ஹா..........வெரி கிளவர் ஃபெல்லோ

நான் கேட்ட‌துக்கு ப‌தில் சொல்ல‌லெ ?

ஆமா ஆமா,யாரு இல்லைன்னு சொன்னா? அ.தி.மு.கல இருந்து அவங்களா உங்ககிட்ட பணம் வாங்கி கிட்டு தி.மு.கவுக்கு வர்றாங்க.இன்னிக்கு நீ நாளை யாரோ?