பூலான் தேவி கொலையின் காரணம்

by நிசாந்தன் Mon Aug 02, 2010 11:35 am

கொள்ளைக்காரியாக இருந்து, பின்னர் மனம் திருந்தி, சமாஞ்வாடி கட்சியின் எம்.பி.யாக இருந்த பூலான் தேவி கடந்த 2001ம் ஆண்டு ஜீலை 25ம் தேதி டெல்லியில் சுட்டுக் கொல்லப்பட்டார். முக்கிய குற்றவாளி ஷேர் சிங் ரானாவை போலீஸ் கைது செய்தது.

வழக்கு விசாரணையில், போலீஸ் இன்ஸ்பெக்டரும் விசாரணை அதிகாரியுமான சுரேஷ் கவுசிக் நீதிமன்றத்தில் கூறுகையில், “பூலான் தேவி கொள்ளைகாரியாக இருந்தபோது, 1981ம் ஆண்டு பெமாய் என்ற இடத்தில் தாக்கூர் என்ற இனத்தை சேர்ந்த 17 பேரைக் கொன்றார். இதில் ஷேர் சிங் ரானாவின் உறவினர்களும் அடக்கம். அதற்கு பழிவாங்கும் விதமாகவே, பூலான் தேவியை கொன்றுள்ளார்”. என்று கூறினார். 9 ஆண்டுகளாக நடந்துவரும் விசாரணையில், 170 பேர் சாட்சியம் அளித்துள்ளனர் விசாரணை 3-ம் தேதிக்கு ஒத்திவைக்கப்பட்டது.