சந்திப்பு

by vithu Thu Jul 22, 2010 2:56 pm

மாலை நேரம்...
மயங்கிய ஒளி...
லேசான மழைத்தூறல்...
ஒதுங்கிச்செல்லும் ஒற்றையடிப்பாதயிலே
ஓரமாய் நன் செல்ல...

மெலிதான ஓர் உருவம்..

ஒருத்தியா? ஒருவனா?
புரியவில்லை - என்
கறை படிந்த கண்களுக்கு

நீண்டு செல்லும் பாதைதான்...
நெருங்கி விட்டேன் அருகாமைக்கு.
கறை படிந்த கண்கள் தான்
ஆனாலும்
பார்வைக்குள் உயிர் கொஞ்சம்
ஊசலாடியது

கண்டுகொண்டேன் யாரென்று
ஒருத்தியேதான்.

கனவுகள் கவிழ்ந்த போதும்
கன்னங்களுக்கு கைகளை
முட்டுக் கொடுத்திருந்த அவளின்
தள்ளாத தோற்றம்
கொஞ்சம் முணுமுணுத்தது
தோற்றுப்போனவள் என்று...

முகம் நோக்கும் ஆவலோடு அழைத்தேன்

மெலிதான மௌனத்தின் பின்
நலிதன ஓர் பார்வை..

பார்வைகள் சந்தித்த ஒரு கணம்
பல மாற்றங்கள்...
என்னுள்ளும் அவளுள்ளும்.
வார்த்தைகள் மறந்த மௌனம்

என் காத்திருப்பு தெரிந்திராத - அவள்
விழிகள் என்னிடம் கேட்டன
ஏன் என்னை தொலைத்துவிட்டாய் என்று..

என் வார்த்தைகளோ
உதடுகளோடு சண்டையிட்டுக்கொண்டன
ஏன்
ஊமையாகிப்போனாய் என்று?