அடுத்த மாதம் ரிலீசாகிறது சூப்பர் ஸ்டாரின் எந்திரன்

by ரபீக் Tue Jul 20, 2010 10:13 am

சூப்பர் ஸ்டார் ரஜினிகாந்தின் எந்திரன் படம் ஆகஸ்ட் மாதத்திலேயே ரிலீசாக வாய்ப்பு இருப்பதாகத் தெரியவந்துள்ளது.
முன்பு பொங்கல் ரிலீஸ், தீபாவளி ரிலீஸ் என்றெல்லாம் பேசப்பட்ட எந்திரன் ஆகஸ்ட் மாதமே கூட ரிலீசானால் ஆச்சரியப்பட வேண்டாம். 7ஆம் தேதியுடன் கடைசிக் கட்டம் படப்பிடிப்பும் முடிந்து பூசணிக்காய் உடைக்கப்பட்டுவிட்டது.

எடிட்டிங் முடிந்த நிலையில் ஏ.ஆர்.ரஹ்மானும் ரசூல் பூக்குட்டியும் தி ஸ்லம்டாக் மில்லியனரை மிஞ்சும் அளவில் பின்னணி இசை அமைப்பதில் மும்முரமாக ஈடுபட்டிருக்கிறார்கள் என்றும் ஜூலை மாதக் கடைசியில் இசைத்தட்டு வெளியீடு தடபுடலாகக் கோலாலம்பூரில் நடைபெறும் என்றும் சன் பிக்சர்ஸ் தரப்பிலிருந்து செய்தி கூறுகிறது.

ஆகஸ்ட், செப்டம்பர் மாதங்களில் பெரிய படங்கள் எதுவும் வெளிவரும் வாய்ப்பில்லை. உலகக் கோப்பை கிரிக்கெட் போட்டி இனி ஜனவரி மாதத்தில்தான்.

ரஜினியின் மகள் சௌந்தர்யாவின் திருமணத்திற்கு முன் எந்திரன் வெளியிடப்பட்டு விடும் என்று எதிர்பார்க்கப்படுகிறது.