அங்காடித் தெரு -அமைதிக் கொண்டாட்டம்!

by ரபீக் Sat Jul 10, 2010 3:54 pm

பெரிய டப்பா படம் 25 நாள் ஓடினாலே அமர்க்களமாக விழா எடுக்கும் இக்கால கட்டத்தில் அட்டகாசமாக ஓடி, அமர்க்களமான முறையில் 100 நாட்களைத் தாண்டியுள்ள அங்காடித் தெரு படத்திற்கு மிக மிக அமைதியான முறையில் விழா கொண்டாடியுள்ளனர் படக் குழுவினர்.

சமீப காலத்தில் வந்த விரல் விட்டு எண்ணக் கூடிய ஒரு சில திரைப்படங்களில் அங்காடித் தெருவுக்கு முதலிடம் கொடுக்கலாம். இயல்பான கதையோட்டம், சுரீர் என இதயத்தை தொடும் நிஜங்கள், தத்ரூபமான காட்சியமைப்புகள், அழகான கதாபாத்திரங்கள் என நெஞ்சைத் தொடும் வகையில் வந்த படைப்பு அங்காடித் தெரு.

வசந்த பாலன் இயக்கத்தில் உருவான இப்படம் 100 நாட்களைத் தாண்டியுள்ளது. இதையடுத்து படத்தை தயாரித்த ஐங்கரன் நிறுவனம் அமைதியான முறையில் 100 வது நாளை கொண்டாடியது. அதுவும் சென்னையில் அல்ல காஞ்சிபுரத்தில்.

அங்குள்ள ஸ்ரீநாராயணமூர்த்தி தியேட்டரில் நடந்த விழாவில் படத்தின் நாயகன் மகேஷ், நாயகி அஞ்சலி, இயக்குநர் வசந்த பாலன், தயாரிப்பாளர் அருண்பாண்டியன் என படக் குழுவினர் கலந்து கொண்டனர்.

அமைதியான முறையில் கொண்டாடியதில் தவறில்லை. ஆனால் நல்ல படங்களுக்கு இந்த அமைதி தேவையில்லை. சற்று ஆர்ப்பாட்டமாகவே இருந்திருக்கலாம்.

by ஹாசிம் Sat Jul 10, 2010 3:56 pm

நானும் பார்க்க வேண்டும் என்றிருக்கிற ஒரு படம் இன்னும் அவகாசம் கிடைக்கவில்லை கண்டிப்பாக பார்க்க வேண்டும் அவர்களுக்கு வாழ்த்துக்ள்

by **உமா** Sat Jul 10, 2010 4:03 pm

ரபிக், அந்த படத்தை சன் பிக்சர்ஸ் இயக்கவில்லை...

தொடர்ந்து வரும் படங்களை எல்லாம் சன் பிக்சர்ஸ் ஆர்ப்பாட்டத்துடன் இயக்குகின்றது (மொக்க படங்கள்)

கொடுமை என்ன தெரியுமா "பாடல்களை ஒளி பரப்ப கூட ஒரு ப்ரோக்ராம்"

இதெல்லாம் பார்த்த நமக்கு இந்த அமைதி புதுசு தானே...

நன்றி

by ரபீக் Sat Jul 10, 2010 4:08 pm

Uma Thyagajan wrote:ரபிக், அந்த படத்தை சன் பிக்சர்ஸ் இயக்கவில்லை...

தொடர்ந்து வரும் படங்களை எல்லாம் சன் பிக்சர்ஸ் ஆர்ப்பாட்டத்துடன் இயக்குகின்றது (மொக்க படங்கள்)

கொடுமை என்ன தெரியுமா "பாடல்களை ஒளி பரப்ப கூட ஒரு ப்ரோக்ராம்"

இதெல்லாம் பார்த்த நமக்கு இந்த அமைதி புதுசு தானே...

நாந்தான் ஏற்கனவே உங்களை பாராட்டிவிட்டேன், தொடர்ந்து தைரியமாக உண்மையை போட்டு உடைக்குரீங்கலே ,,,,
உங்களுடைய கருத்துக்கு என்னுடைய வாழ்த்துக்கள் மகிழ்ச்சி