கேரளாவில் இராண்டாம் முறையாக முழு அடைப்பு

பெட்ரோல், டீசல் விலை உயர்வை கண்டித்து கேரளாவில் ஆளும் மார்க்சிஸ்ட் கம்யூனிஸ்டு கூட்டணி கட்சிகள் சார்பில் கடந்த 26-ந் தேதி போராட்டம் நடத்தப்பட்டது. இன்று நாடு தழுவிய அளவில் எதிர்க்கட்சிகள் நடத்தும் போராட்டத்திலும் கேரள மார்க்சிஸ்ட் கம்யூனிஸ்டு கூட்டணி கட்சிகள் பங்கேற்றுள்ளன. இதனால் கேரளாவில் “பந்த்” இன்று முழு அளவில் நடந்தது.
கேரள அரசே இந்த பந்தில் பங்கேற்றதால் மாநிலம் முழுவதும் இன்று கடைகள் அடைக்கப்பட்டு இருந்தன.திருவனந்தபுரம், கோழிக்கோடு, பாலக்காடு, கொல்லம், எர்ணாகுளம் போன்ற பெரு நகரங்களில் பெரும்பாலான வர்த்தக வணிக நிறுவனங்கள் இன்று அடைக்கப்பட்டிருந்தன.

மேலும் பள்ளி, கல்லூரிகள் தனியார் பயிற்சி நிறுவனங்களும் இன்று விடுமுறை விடப்பட்டது. இதையடுத்து கேரள அரசு தேர்வாணையம் நடத்தும் தேர்வுகளும் ரத்து செய்யப்பட்டது.

அனைத்து இடங்களுக்கும் பஸ் போக்குவரத்து அடியோடு நிறுத்தப்பட்டது. இதனால் மக்கள் நடமாட்டமின்றி பஸ் நிலையங்களும் முக்கிய வீதிகளும் வெறிச்சோடி காணப்பட்டது.

ஆனால் பொதுமக்களின் அத்தியாவசிய தேவைகளுக்கு பாதிப்பு எற்படாதவாறு தடுக்கவும், அரசு மற்றும் தனியார் ஆஸ்பத்திரிகளில் போலீஸ் பாதுகாப்பு போடப்பட்டது.

பிரச்சினைக்குரிய இடங்களில் போலீசார் ரோந்து பணியில் ஈடுபட்டனர்.

கேரளாவில் ஆளும் கம்யூனிஸ்டு கட்சியை தவிர பந்துக்கு பா.ஜனதா உள்பட எதிர்கட்சிகளும் ஆதரவளித்துள்ளதால் அசம்பாவித செயல்கள் ஏற்படுவதை தடுக்கவும் போலீசார் கண்காணிப்பில் ஈடுபட்டுள்ளனர்.

ரெயில் மறியல் போராட்டத்தில் ஈடுபட கட்சிகள் முனைப்பு காட்டி வருவதால் ரெயில் நிலையங்களில் கூடுதல் பாதுகாப்பு போடப்பட்டது. அதே போல் விமான நிலையங்களிலும் பாதுகாப்பு பலப்படுத்தப்பட்டது.

கேரளா முழுவதும் இன்று பந்த் கடைபிடிக்கப்படுவதால் தமிழகத்தில் இருந்து கேரளா நோக்கி செல்லும் பஸ்கள், லாரிகள் குமரி மாவட்ட எல்லையான களியக்காவிளை பகுதியில் நிறுத்தப்பட்டன.

இதற்கிடையே பெட்ரோலிய பொருட்களின் விலை உயர்வை மத்திய அரசு திரும்ப பெறாவிட்டால் வருகிற 28-ந்தேதி மத்திய அரசு அலுவலகங்கள் முன்பு மறியல் போராட்டம் நடத்தப்படும் என்று கேரள மார்க்சிஸ்ட் கம்யூனிஸ்டு கட்சியின் மாநில செயலாளர் பினராய் விஜயன் அறிவித்துள்ளார்.

இதுவும் ஒருவாய் விலை ஏற்றம் தரும் ...

போராட்டம் தேவை.மக்களை அவதிபடுத்தாதவகையில்...

நனிர் தோழரே பகிர்வுக்கு .....