Latest topics

கல்லால் தாக்கி மேலும் ஒரு பிச்சைக்காரர் படுகொலை: கல்கிஸையில் சடலம் மீட்பு

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

கல்லால் தாக்கி மேலும் ஒரு பிச்சைக்காரர் படுகொலை: கல்கிஸையில் சடலம் மீட்பு

Post by riskan Tue Jun 29, 2010 10:20 pm

கல்கிஸை பொலிஸ் நிலையத்துக்கு அருகில் உயிரிழந்த நிலையில் காணப்பட்ட ஊனமுற்ற பிச்சைக்காரர் ஒருவரின் சடலமொன்று பொலிஸாரினால் இன்று மீட்கப்பட்டுள்ளது.
மேற்படி பிச்சைக்காரர் மீது இனந்தெரியாதோர் சிலர் கற்களினால் தாக்கியே படுகொலை செய்துள்ளனர். இதற்கான காயங்கள் அவரது உடலில் காணப்பட்டதாக பொலிஸ் விசாரணைகளிலிருந்து தெரியவந்துள்ளது.

கால் ஊனமுற்ற நிலையில் சக்கர நாற்கலியைப் பயன்படுத்தி வந்துள்ள குறித்த பிச்சைக்காரர், கல்கிஸை பகுதியில் லாட்டரிச் சீட்டு விற்பனையிலும் ஈடுபட்டு வந்துள்ளார் என்று தெரியவந்துள்ளது.

லாட்டரிச் சீட்டு விற்பனையில் கிடைக்கப்பெற்ற பணத்தினைக் கொள்ளையிட வந்தவர்களே அவரைக் கற்களால் தாக்கி படுகொலை செய்திருக்கலாம் என்று பொலிஸார் சந்தேகிக்கின்றனர்.

இந்நிலையில், சடலம் மீட்கப்பட்ட பகுதியிலிருந்து ஒருதொகை லாட்டரிச் சீட்டுக்களும் பொலிஸாரால் மீட்கப்பட்டுள்ளது. சம்பவம் தொடர்பான விசாரணைகளை கல்கிஸை பொலிஸார் மேற்கொண்டு வருகின்றனர்.

கொழும்பு மற்றும் அதனை அண்டிய பிரதேசங்களிலிருந்து கடந்த ஒரு மாத காலத்துக்குள் ஐந்து பிச்சைக்காரர்களின் சடலங்களை பொலிஸார் மீட்டுள்ளனர். இவ்வாறு மீட்கப்பட்ட சடலங்கள் அனைத்திலும் பலத்த காயங்கள் காணப்பட்டமை குறிப்பிடத்தக்கது

riskan: புதியவர்; பதிவுகள் : 20
இணைந்தது : 29/06/2010