சிவாவை வாழ்த்த சில வரிகள்........(பிறந்த நாளுக்காக)

by ஹாசிம் Sat Jun 26, 2010 11:17 pm

சித்தரிக்க முடியா
சிங்கார வேலன்
சிவா எம் தலைவனின்
சிறப்பெழுதும் சில நொடிகள்

ஆண்டுகள் பல
அசையாமல் சென்றிட
அசைக்க முடியா நிலை பெற்று
ஆணி வேரானாய்....

அங்கலாய்க்கும் உள்ளங்கள்
ஆர்ப்பரிக்கும் எண்ணங்களுடன்
வாழ்த்துக் கூறும்
வண்ணமான பிறப்பு தினம்

பிறப்பில் சாதித்தாய்
பிறருக்குப் போதித்தாய்
பிற்காலம் போற்றிட
பித்தனாய் மறினாய்

தாயுள்ளம் நிறைந்தாய்
சேய் காணாதிருக்கிறாய்
உன்னுள்ளம் நிறைந்திட
சேய் இன்பம் பெற்றிடு

ஈகரையால் நீ கலந்த
ஈர்க்கும் உறவுகளில்
ஈடுபாட்டுடன் உமை வாழ்த்த
ஈருலகம் சிறந்திடு

புது வயதில் கால்வைத்து
புதுப் பொலிவும்தான் பெற்று
புதுமைகள் பல கண்டு
புல்லரிக்கும் நிலை கடந்திடு

இன்னாளை வாழ்த்திட
இசை பாடும் உறவுகளுடன்
இணைந்திசைத்த திருப்தியுடன்
இவன் உரைத்த இரு வரிகளிது.
அன்பு மலர்

சிவாவை வாழ்த்த சில வரிகள்........(பிறந்த நாளுக்காக) 38

by அப்புகுட்டி Sun Jun 27, 2010 1:51 am

சூப்பர் வாழ்த்துப்பா புறாமையாக உள்ளது அன்பு வாழ்த்துக்கள் இருவரும்க்கும்.
பிறந்த நாள்

:suspect: :suspect: :suspect:

by **Aathira** Sun Jun 27, 2010 2:19 am

அழகான வாழ்த்துப்பா. பிறந்தநாள் நாயகனுக்கும் வாழ்த்துப்பா பாவலனுக்கும் இனிய வாழ்த்துக்கள்.. சிவாவை வாழ்த்த சில வரிகள்........(பிறந்த நாளுக்காக) 154550

by அப்புகுட்டி Sun Jun 27, 2010 2:35 am

by **Aathira** Sun Jun 27, 2010 2:44 am

சிவாவை வாழ்த்த சில வரிகள்........(பிறந்த நாளுக்காக) DSC00162%20%281%29

இனிய பிறந்தநாள் வாழ்த்துக்கள் சிவா,

மூவாத வரம்பெற்றோர் வாழ்வ தாலே
பேர்பெற்றுச் சிறந்ததந்த தேவர் கோட்டை!
சாவாத புகழ்பெற்ற தேவேநீ பிறந்ததாலே
சீர்பெற்றுத் திகழ்வ திந்ததேவ கோட்டை!

வான்ழையில் நனைந்தாலும் காணா இன்பம்
தேன்மழையாய் சிந்திய உன்சொல்லில் கண்டோம்
மான்விழியாய் மருண்டாலும் மயக்கம் போக்கி
கான்மழையாய் பொழியச் செய்வாய் கவிகள்நாளும்!

பார்முழுதும் வந்தாலும் உறவாய் ஏற்பாய்!
பாசத்தை பரிவதனை உரமாய்ச் சேர்ப்பாய்
நீரூற்றுக் காணாத செடிகளல்ல நினஅன்பு
பேரூற்றுக் கங்கையிலே செழித்தோம் நாங்கள்

புண்பட்டாய் சிலநேரம் என்றாலும் எந்நாளும்
பண்பட்ட சான்றோனாய் ஒளிர்கின்றாய் - அந்த
விண்பட்டு நிலவதனில் கருக்கல் உண்டுநின்
வெண்பட்டு உள்ளத்தில் ஓர்கலங்கம் உண்டோ?

அகவையது போனதென்று அலங்கல் வேண்டாஉன்
முகவயது என்றுமோர் இருபத் தைந்தே - தம்பி
மிகவயது இதுஇல்லை இல்வாழ் வில்சேரநீ
அகமகிழ வருவாள் சுகவாழ்வே தருவாள்!

பாட்டோடு பிறந்திருக்கும் பண்ணாய், உன்னுள்ள
வேட்டோடு சேர்ந்தினிக்க நங்கை நல்லாள்,
கூட்டாகத் துள்ளலிட மழலைச் செல்வம்
சேர்ந்திடுமே! சிறந்திடுவாய் சிகரம் காண்பாய்!

எல்ல வளங்களையும் நலங்களையும் கடிதே காண வாழ்த்தும் இனிய உடன்பிறப்பு...

அன்புடன்
ஆதிரா...

by mohan-தாஸ் Sun Jun 27, 2010 9:45 am

கவிதைகள் நாயகனுக்கு மிகவும் அருமை அருமை...என்னுடை வாழ்த்துக்களும்.....கவிக்கும் சிவாக்கும்

by ஹாசிம் Sun Jun 27, 2010 10:35 am

Aathira wrote:அழகான வாழ்த்துப்பா. பிறந்தநாள் நாயகனுக்கும் வாழ்த்துப்பா பாவலனுக்கும் இனிய வாழ்த்துக்கள்..

மிக்க நன்றி அக்கா தங்களின் வரிகளும் மெய்ச்சிலிர்க்க வைத்தது

by மஞ்சுபாஷிணி Sun Jun 27, 2010 11:08 am

சிவாவின் நற்குணங்களும் கொண்ட அன்பும் இதோ ஈகரை உள்ளங்களின் வரிகளின் வழியே தெரிவதை நான் பார்க்கிறேன்.. சந்தோஷமாக இருக்கிறது எனக்கு.....

அன்பு பிறந்தநாள் நல்வாழ்த்துக்கள் சிவா....

ஹாசிமின் அன்பின் அழகு தத்தி தத்திச்செல்லும் மழலை வரிகளும் தாய்மையின் அழகாய் ஆதிராவின் அன்பு வரிகளும் மிக அருமை....

by றிமாஸ் Sun Jun 27, 2010 11:32 am

இனிய பிறந்த நாள் வாழ்த்துக்கள்.
சிவாவை வாழ்த்த சில வரிகள்........(பிறந்த நாளுக்காக) Sivaleader

by **Aathira** Sun Jun 27, 2010 11:44 am

ஹாசிம் wrote:
Aathira wrote:அழகான வாழ்த்துப்பா. பிறந்தநாள் நாயகனுக்கும் வாழ்த்துப்பா பாவலனுக்கும் இனிய வாழ்த்துக்கள்..

மிக்க நன்றி அக்கா தங்களின் வரிகளும் மெய்ச்சிலிர்க்க வைத்தது