விழாவில் எதிர்க்கட்சித்தலைவர்கள் கலந்துகொள்ளாததால் அழுத எடியூரப்பா

by ரபீக் Sat Jun 26, 2010 10:40 am

பா.ஜ. அரசின் 2ம் ஆண்டு சாதனை விழாவில் எதிர்க்கட்சித் தலைவர்கள் கலந்து கொள்ளாமல் புறக்கணித்ததால் முதல்வர் எடியூரப்பா அழுதார்.
கர்நாடகாவில் பா.ஜ. அரசின் 2ம் ஆண்டு விழா பெங்களூர் அரண்மனை மைதானத்தில் நேற்று நடைபெற்றது. அதில் உரையாற்றிய முதல்வர் எடியூரப்பா துவக்கம் முதலே மிகவும் உணர்ச்சிவசப்பட்டு காணப்பட்டார். பேரவை எதிர்க்கட்சித் தலைவர் சித்தராமையா, மேலவை எதிர்க்கட்சித் தலைவர் மோட்டம்மா ஆகிய காங்கிரஸ் தலைவர்களுக்கு விழாவில் கலந்து கொள்ள அழைப்பு விடுத்திருந்த போதிலும் அவர்கள் விழாவை புறக்கணித்தனர்.

அந்த வேதனை எடியூரப்பாவின் பேச்சில் எதிரொலித்தது. விழாவில் தழுதழுக்க அவர் பேசியதாவது:

சாதாரண விவசாயி மகனான என்னை மக்கள் ஆதரவு அளித்து முதல்வராக்கி உள்ளனர். அதனால், விவசாயிகளுக்கு என்றுமே நான் துரோகம் செய்ய மாட்டேன். சுதந்திர இந்தியாவில் 50 ஆண்டு காலம் ஆட்சி நடத்திய காங்கிரசார், சமீபத்தில் பதவிக்கு வந்த பா.ஜ.வை விமர்சனம் செய்கின்றனர். விமர்சனத்துக்கு உள்ளாக வேண்டியவர்கள் அவர்கள்தான்.

இத்தனை ஆண்டுகள் கழித்தும் குடிநீர், நல்ல உணவு, சாலை வசதி, இருக்க இடமின்றி மக்கள் தவித்து வருவதற்கு யார் காரணம்? விவசாயி தனது மகனை படிக்க வைத்து பெரிய உத்தியோகத்துக்கு கொண்டு செல்ல முடியாதது எதனால்? விவசாயி தனது பசுவின் பாலை தானே பயன்படுத்த முடியாமல் விற்பனை செய்யும் அளவுக்கு வறுமை நிலவுகிறதே எதற்காக? சுதந்திரம் பெற்று இத்தனை ஆண்டுகளாகியும் ஏழைகள் குடிசையில் வாழ்வது யாரால்? இதுவரை ஆண்ட ஆட்சியாளர்கள் என்ன செய்தார்கள்?

சாதனை விழாவுக்கு எதிர்க்கட்சியினர் வராத அளவுக்கு நான் என்ன தவறு செய்தேன்? எனது மனது மிகுந்த கஷ்டப்படுகிறது. எந்த நல்லது செய்தாலும் எதிர்க்கட்சிகள் குறை கூறிக் கொண்டு, என்னை ராஜினாமா செய்யக் கூறுகிறார்களே எதற்காக? மக்கள் வளர்ச்சிப் பணிகளை நான் செய்வது அவர்களுக்கு பிடிக்கவில்லையா? இவ்வாறு எடியூரப்பா பேசினார்.

பேச்சின்போது அவ்வப்போது அழுதபடி கண்ணீரை துடைத்துக் கொண்டார் எடியூரப்பா.

3வது முறை அழுகை:

கர்நாடகாவில் தலைவர்கள் அழுவது அடிக்கடி நடக்கும். முன்னாள் முதல்வர் குமாரசாமி, எதிர்க்கட்சி¢த் தலைவர் சித்தராமையா ஆகியோரும் பத்திரிகைகளுக்கு பேட்டியளிக்கும் போது அழுதுள்ளனர். எடியூரப்பா முதல்வரான பிறகு கடந்தாண்டு ரெட்டி சகோதரர்களுடன் மோதல் ஏற்பட்ட போது, தொலைக்காட்சி சேனலுக்கு அளித்த பேட்டியின்போது, ‘நாற்காலிக்காக நெருங்கியவர்களை இழக்க நேரிட்டுள்ளது’ என்று கூறி கண்ணீர் சிந்தினார்.

மண்டியா மாவட்டத்திலுள்ள அவரது பிறந்த ஊரில் நடைபெற்ற பொது நிகழ்ச்சியில் ‘முதல்வராக பொறுப்பு வகிக்கும் என்னைப் பார்த்து மகிழ பெற்றோர் உயிருடன் இல்லையே’என்று கூறி கண்ணீர் விட்டார். இப்போது 2வது ஆண்டு சாதனை விழாவில், எதிர்க்கட்சிகளின் விமர்சனங்களுக்காக கண்ணீர் சிந்தியுள்ளார்.

by kalaimoon70 Sat Jun 26, 2010 11:08 am

3வது முறை அழுகை: ஆறுதல்

விழாவில் எதிர்க்கட்சித்தலைவர்கள் கலந்துகொள்ளாததால் அழுத எடியூரப்பா

விழாவில் எதிர்க்கட்சித்தலைவர்கள் கலந்துகொள்ளாததால் அழுத எடியூரப்பா

Re: விழாவில் எதிர்க்கட்சித்தலைவர்கள் கலந்துகொள்ளாததால் அழுத எடியூரப்பா