நடிகர் தனுஷ்-ஐஸ்வர்யா தம்பதிக்கு இன்னொரு ஆண் குழந்தை

by ரபீக் Mon Jun 21, 2010 1:24 pm

இரண்டாவது முறை கருவுற்ற ஐஸ்வர்யா, நேற்று இரவு அப்பல்லோ மருத்துவமனையில் சேர்க்கப்பட்டார். இன்று காலை அவருக்கு இரண்டாவது மகன் பிறந்தான்.

மகன் பிறந்த சந்தோஷத்திலிருந்த தனுஷ் கூறுகையில், இரண்டாவது முறை தந்தையாகும்போதும் இத்தனை சந்தோஷமும் த்ரில்லும் இருக்குமென்று நான் நினைக்கவே இல்லை. மனசு முழுக்க சந்தோஷத்தில் மிதக்கிறேன். குழந்தை நல்ல ஆரோக்கியத்துடன் பிறந்திருக்கிறான். தாயும் குழந்தையும் நலமாக உள்ளனர் என்றார்.

ஏற்கெனவே இவர்களுக்கு யாத்ரா என்ற மூன்று வயது மகன் உள்ளான். மழலையர் பள்ளிக்குச் செல்கிறான்.

by ரபீக் Mon Jun 21, 2010 1:27 pm

ஐஸ்வர்யா-தனுஷ் தம்பதிகளுக்கு அழகான ஆண் குழந்தை பிறந்திருக்கிறது. முதல் குழந்தை யாத்ரா வந்துதான் ரஜினியை தாத்தாவாக்கினான். நேரம் கிடைக்கும் போதெல்லாம் யாத்ராவுடன் விளையாடுவதை பொழுதுபோக்காக வைத்திருக்கும் ரஜினியை பெண்டெடுக்க இப்போது மேலும் ஒரு குட்டிப் பையன்!

ஆணாக இருந்தாலும் சரி, பெண்ணாக இருந்தாலும் சரி, அது எங்க வீட்டு அதிர்ஷ்டம் என்று கூறிய தனுஷ்-ஐஸ்வர்யா தம்பதி பெருத்த குஷியில் இருக்கிறார்கள். திங்கட் கிழமை அதிகாலை 6.21 மணிக்கு அப்போலோ மருத்துவமனையில் பிறத்தது குழந்தை. டாக்டர் கொண்டம்மாள் (இவர் காவல் துறை உயரதிகாரி சிவனாண்டியின் மனைவி) அறுவை சிகிச்சை மூலம் குழந்தையை வெளியே எடுத்தார். மூன்று கிலோவும் முப்பது கிராமும் இருந்தாராம் குட்டி தனுஷ்!

செய்தியை கேள்வியுற்ற திரையுலக பிரமுகர்கள் பலரும் இன்று மருத்துவமனைக்கு வந்து வாழ்த்துக்களை தெரிவித்துக் கொண்டிருக்கிறார்கள். நேற்றிரவில் இருந்தே லதா ரஜினிகாந்த், சவுந்தர்யா ஆகியோர் மருத்துவமனையில் தங்கியிருந்து ஐஸ்வர்யாவை கவனித்துக் கொண்டார்கள். தாத்தா ரஜினி காலையிலேயே வந்துவிட்டார். நாலாவது புளோரில் அனுமதிக்கப்பட்டிருந்தார் ஐஸ்வர்யா. லிப்டில் ஏறும்போதே லிப்ட் மேனுக்கு ஸ்டைலாக 500 ருபாயை எடுத்து நீட்டினார் ரஜினி. அந்த ரூபாய் நோட்டை பிரேம் போட்டு மாட்டாத குறையாக துள்ளிக் குதித்தாராம் லிப்ட்மேன்!