கீரைகளின் பலன்கள்

by **krishnaamma** Tue Jun 15, 2010 8:21 pm

பாலக்கீரை - பாலக் கீரையில் இரும்பு சத்து அதிகம் உள்ளது. உடலுக்கு வலுவூட்டுவது, மலச்சிக்கலைப் போக்கும்.

குளிர்ச்சியைத் தரும். குடல் நோய்களுக்கு நல்லது. இருதயத்திற்கு நல்லது.

குமட்டிக் கீரை - இது தாமிரச் சத்துடையது. குருதியை தூய்மைப்படுத்துவது மலத்தை இளக்கும் தன்மை உடையது, கருவுற்ற மகளிருக்கு இது நல்லது, உடல் நீரை அதிகரிக்கவல்லது.

தொய்யல் கீரை - தொய்ந்து போன நாடி நரம்புகளை வலுவாக்கும், உடலுக்கு ஊக்கமூட்டுவது, குளிர்ச்சியானது,

செரிப்பாற்றலை அதிகரிக்கும், மலச்சிக்கலை போக்கும், வாத நோயாளிக்கு ஏற்றது, பேறு காலத்திற்கு பின்பு மகளிர் சாப்பிட ஏற்றது.

உடலைத் தேற்றும்.

by **krishnaamma** Tue Jun 15, 2010 8:22 pm

புளிச்சக் கீரை - கோங்குரா - உடலுக்கும் குடலுக்கும் வளமூட்டும்.

வயிற்றுப் புண்ணை ஆற்றும். வயிற்றுக் கடுப்பு உள்ளவர்கள்

இக்கீரையை வெங்காயம், வெந்தயம் போட்டு மூன்று வேளை சாப்பிட்டு வந்தால் உடனே நிவாரணம் தெரியும்.

குடல் பலவீனத்தால் ஏற்படும் பேதி நிற்கும், குருதிப் போக்கை குறைக்கும்.

வல்லாரைக் கீரை - அடிக்கடி உணவில் சேர்ப்பதால் உடல் எரிச்சல், சிறுநீர் மஞ்சளாக மாறுதல் முதலியன குணமாகும்.

இந்த இலையை அரைத்து தேங்காய் எண்ணையுடன் தடவிவர புண்கள் விரைவில் ஆறும். 3,4 இலையுடன் சீரகம், சர்க்கரை அரைத்துக் கொடுத்தால் குழந்தைகளுக்கான சீதபேதி நிற்கும்.

மூளையில் உள்ள நரம்பு செல்களை ஊக்குவித்து ஞாபக சக்தியை அதிகரிக்கிறது.

இப்போழுது வல்லாரை மிட்டாய்' கூட கிடைக்கிறது.

'ஆனால் இந்தக் கீரையை அளவுக்கு அதிகமாகப் பயன்படுத்தினால் தலைவலி மயக்கம் முதலியவை வரும். அளவோடு சேர்க்கவும்.

by **krishnaamma** Tue Jun 15, 2010 8:23 pm

சிறுகீரை - உடல் தளர்ச்சியை போக்கி ஊக்கமூட்டும், மலச்சிக்கலைப் போக்கும், குடலின் பலத்தை அதிகரிக்கும், உடல் பித்தத்தை குறைக்கும்.

இதில் கால்சியம் உள்ளது. இரும்பு சத்து உள்ளது. அனைவருமே சாப்பிடலாம்.

மற்ற மருந்துகள் சாப்பிட்டு கொண்டு உள்ளவர்கள் வைத்தியரின் ஆலோசனையின் படிசாப்பிடலாம்.

நீரழிவு நோய் உள்ளவ்ர்கள் அடிக்கடி சாப்பிடலாம். இந்தக் கீரையை தினமும் சமைத்து சாப்பிட, இரும்பு சத்தும் புது ரத்தமும், உடலில் பரவும்.

வாத நோயை நீக்கும், கல்லீரலுக்கு நன்மை செய்யும்.

by **krishnaamma** Tue Jun 15, 2010 8:23 pm

வெந்தயக்கீரை - முருங்கை போலவே இரும்புச் சத்துடையது.

உடலுக்கு ஊக்கத்தை அளிப்பது, வயிற்றுப் புண்ணை ஆற்றுவதில் சிறந்தது, கண்ணிற்கு மிகவும் நல்லது, பேதி சமயத்தில் சப்பிட்டால் பேதியை
கட்டுபடுத்தவல்லது.

உடலுக்குக் குளிர்ச்சி; பசியைத் தூண்டும். தோலின் சொறி, சிரங்கு போகும்.

by **krishnaamma** Tue Jun 15, 2010 8:23 pm

அரைக்கீரை - இதில் தங்க சத்தும் இரும்புச் சத்தும் உள்ளதாக கூறுவார்கள்.நீலிக்கு அடுத்து விஷங்களை முறிக்கும் ஆற்றல் அரைக்கீரைக்கு உண்டு.

ஆங்கில மருந்துகளின் வேகத்தை, பக்க விளைவுகளை முறியடிக்கும், தேமல், சொறி சிரங்கு உள்ளவர்கள் இந்தக்கீரையை தினசரி உணவுப்பழக்கத்தில் சேர்த்துக் கொண்டால் குணமாகிவிடும்.

நீரிழிவு வியாதியை கட்டுப்படுத்த உதவுகிறது. நரம்பு சம்பந்தமான அனைத்து வியாதிகளுக்கும் ஏற்றது.

பிரசவத்தின் போது ஏற்படும் கடுமையான உடல் வலி, கருப்பை ரணம், அசதி ஆகியவற்றைப் போக்கி, உடம்பை மெல்ல நல்ல நிலைக்குக் கொண்டு வரும்.

பிரசவித்த மகளிர்க்கு 3 மாதத்தில் வரக் கூடிய ஜன்னிக் காய்ச்சல், மலச் சிக்கல், தாய்ப்பால் பற்றாக்குறை ஆகிய 3 குறைபாடுகளும் வராமல் காத்து தாய்ப்பால் அதிக அளவில் சுரக்கச் செய்கிறது.

பிரசவித்தவர்களின் டானிக் அரைக்கீரை. இது ஒரு சிறந்த பத்திய உணவு, நோயாளிகளுக்கு ஒரு சிறந்த சத்துணவு.

by **krishnaamma** Tue Jun 15, 2010 8:24 pm

முள்ளங்கிக் கீரை - சிறுநீர் கல்லடைப்பு, கரப்பான்(சரும வியாதி)களை குணமாக்கும்.

கீழாநெல்லிக் கீரை- மஞ்சள் காமாலைக்கு கைகண்ட மருந்து.

ஈரலைச் சுத்தி செய்வதுடன் அஜீரணத்தைப் போக்கி பசியைப் பெருக்கும்.

by balakarthik Tue Jun 15, 2010 8:27 pm

மக்களே நீங்க நல்லாகீர தினமும் சாப்பிடுங்க கீர நன்றி

by **krishnaamma** Tue Jun 15, 2010 8:30 pm

balakarthik wrote:மக்களே நீங்க நல்லாகீர தினமும் சாப்பிடுங்க கீர நன்றி

ஆமாம், ஆனா மழை காலத்தில் வேண்டாம். அல்லது குறைத்து சாப்பிடவும். புன்னகை

by balakarthik Tue Jun 15, 2010 8:32 pm

krishnaamma wrote:
balakarthik wrote:மக்களே நீங்க நல்லாகீர தினமும் சாப்பிடுங்க கீர நன்றி

ஆமாம், ஆனா மழை காலத்தில் வேண்டாம். அல்லது குறைத்து சாப்பிடவும்.

அதுசரிதான் ஆனால் கீரைகளை சமைத்து மறுநாள் வரை வைத்து உன்னகூடாதேன்பது சரியா

by **krishnaamma** Tue Jun 15, 2010 8:39 pm

balakarthik wrote:
krishnaamma wrote:
balakarthik wrote:மக்களே நீங்க நல்லாகீர தினமும் சாப்பிடுங்க கீர நன்றி

ஆமாம், ஆனா மழை காலத்தில் வேண்டாம். அல்லது குறைத்து சாப்பிடவும்.

அதுசரிதான் ஆனால் கீரைகளை சமைத்து மறுநாள் வரை வைத்து உன்னகூடாதேன்பது சரியா

பொதுவாகவே சமைத்தும் சூடோடு உண்பது நல்லது. மறுபடி சுடவைத்து உண்பது நல்லதல்ல. மேலும் கீரை வகைகளை ஒருமுறை சமைத்தும் ஒருவேளயிலேயே முடித்துவிடுவது தான் நல்லது. வேறு வழி இல்லாமல் மீந்து விட்டால், மறுபடி direct ஆக சுடவைகாமல் வேறமாதிரி மாற்றி உண்ணலாம்.

அதாவது, மீண்டும் சுடவைகாமல், மீந்துள்ள குழம்பில் போட்டு சுடவைகலாம், அல்லது ஒரு சின்ன பாத்திரத்தில் போட்டு cooker ல் வைத்து ஆவியில் சுடபண்ணலாம். சரியா? புன்னகை