திராவிட இயக்கங்கள் ஒன்று சேர வேண்டும்: கருணாநிதி வலியுறுத்தல்

திராவிட இயக்கங்கள் ஒன்று சேர வேண்டும் என்று முதல்வர் கருணாநிதி வலியுறுத்தியுள்ளார்.

அ.தி.மு.க.வின் தொடக்க கால தலைவர்களில் ஒருவரும், தமிழக முன்னாள் அமைச்சருமான முத்துசாமி தனது ஆதரவாளர்களுடன் தி.மு.க.வில் இணையும் விழா சென்னை, அண்ணா அறிவாலயத்தில் சனிக்கிழமை நடைபெற்றது.

அவ்விழாவில் முதல்வர் கருணாநிதி பேசியதாவது:

இதற்கு முன்பு அ.தி.மு.க.விலிருந்து பிரிந்து வந்து தி.மு.க.வில் இணைந்தவர்கள் எல்லாம், இங்கு வந்த பிறகு வாழ்த்தியிருக்கிறார்கள். ஆனால், அங்கே இருந்தபோது என்னையும், தி.மு.க.வையும் வசை பாடியிருக்கிறார்கள். அதை நான் மறந்துவிடவில்லை.

எங்களை விமர்சித்தால்தான் அ.தி.மு.க.வில் இடம் கிடைக்கும் என்ற நிலையில் கூட, அந்தக் கட்சியில் இருந்தபோது எங்களை தடித்த வார்த்தைகளால் விமர்சனம் செய்யாதவர் முத்துசாமி. அதனால்தான் அவர் இங்கு வந்து இணைகின்ற நேரத்தில் ஒரு இனம் புரியாத அன்பு அவரிடத்தில் ஏற்பட்டிருக்கிறது.

இதற்கு முன்பு மு.க. ஸ்டாலினை பலமுறை சந்தித்திருக்கிறேன் என்று முத்துசாமி சொன்னார். மாற்றுக் கட்சியினரை இப்படி ஸ்டாலின் சந்திப்பது தேவைதானா? என்று கூட நான் கருதியது உண்டு. அப்படி சந்திப்பது தேவைதான் என்பதை இப்போது நான் உணர்கிறேன்.

திராவிட இயக்கம் உடைந்து விடக்கூடாது பிளவுபட்டுவிடக் கூடாது திராவிட இயக்கத்தை ஒன்றுபடுத்த வேண்டும் என்று இதுபோன்ற நிகழ்ச்சிகளில் நான் அடிக்கடி கூறி வருகிறேன். அதற்கான முன் முயற்சியை நான் எடுக்கத் தேவையில்லை. என் தம்பிமார்கள் எடுத்து வருகின்றனர் என்பதற்கு அடையாளம்தான் இந்த விழா.

நான், அன்பழகன் போன்றவர்கள் தனியாக அமர்ந்து பேசும்போது, திராவிட இயக்கம் மேலும் பல வெற்றிகளைப் பெற வேண்டும் என்பது பற்றிதான் பேசுவோம்.

அத்தகைய ஏக்கத்தைப் போக்குகிற நிகழ்ச்சிகளில் ஒன்றாகத்தான், முத்துசாமி போன்றவர்கள் தி.மு.க.வில் இணைகிற இந்த விழாவை நான் கருதுகிறேன் என்றார் கருணாநிதி.

நிகழ்ச்சியில் நிதியமைச்சர் க.அன்பழகன், துணை முதல்வர் மு.க.ஸ்டாலின், அமைச்சர்கள் ஆர்க்காடு வீராசாமி, துரைமுருகன், பரிதி இளம்வழுதி, பொன்முடி, ஈரோடு மாவட்ட தி.மு.க. பொறுப்பாளர் என்.கே.கே. பெரியசாமி உள்ளிட்டோர் கலந்து கொண்டனர்.

சுடர்விடும் தி மு க

ஒன்று சேருங்கள் என்று தமிழக முதல்வர் கொலைஞர் (?) அவர்கள் யாரையும் கூவி அழைக்க வேண்டியதே தேவை இல்லை. இந்தியாவில் அரசியல் என்பது காசுக்காக தன்மானத்தை அடகு வைத்துகொண்டு செய்யும் ஒரு வகையான விபச்சாரம். அதனால் தான் இன்று எல்லாம் பசை இருக்கும் இடத்தை தேடி விலங்குகள் போல் திரியரார்கள். நாளை இந்த வயோதிக முதியவர் இறந்து விட்டால், அங்கே திமுக என்பது என்றுமே ஒட்ட முடியாத அளவுக்கு இரண்டு-மூன்று துண்டாக பிரிந்து உடைந்து கிடக்கும். அப்போது பல கட்சிகளில் இருந்து பிரிந்து சென்ற நன்னாரிகள் ஆளும் கட்சியினரை தேடி கட்சி சேர்வார்கள். இந்தியாவில் இருக்கும் அரசியல் சாக்கடை மாதிரி உலகத்தில் வேறு எந்த சாக்கடையும் கிடையாது